തിങ്കളാഴ്ച നിശ്ചയം എന്ന ചിത്രത്തിലൂടെ ശ്രദ്ധേയനായ സെന്ന ഹെഗ്ഡെ, കുഞ്ചാക്കോ ബോബനെ നായകനാക്കി സംവിധാനം ചെയ്യുന്ന ചിത്രമാണ് ‘പദ്മിനി’. ചിത്രത്തിന്റെ ഷൂട്ടിംഗ് കൊല്ലങ്കോട് ആരംഭിച്ചു. അപര്‍ണ്ണ ബാലമുരളി, മഡോണ സെബാസ്റ്റ്യന്‍ എന്നിവരാണ് നായികമാര്‍. ചാക്കോച്ചന്‍ നാളെ സെറ്റില്‍ ജോയിന്‍ ചെയ്യും. 13 ന് ശേഷം അപര്‍ണ്ണയും മഡോണയും സെറ്റിലെത്തും.
കുഞ്ഞിരാമായണത്തിനു ശേഷം ദീപു പ്രദീപാണ് പദ്മിനിക്കുവേണ്ടി തിരക്കഥയും സംഭാഷണവുമെഴുതുന്നത്. ലിറ്റില്‍ ബിഗ് ഫിലിംസിന്റെ ബാനറില്‍ സുവിന്‍ കെ. വര്‍ക്കി, പ്രശോഭ് കൃഷ്ണ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. കുഞ്ഞിരാമായണം, എബി, കല്‍ക്കി, കുഞ്ഞെല്‍ദോ എന്നിവ ഈ ബാനറില്‍ നിര്‍മ്മിക്കപ്പെട്ട ചിത്രങ്ങളാണ്.
ഛായാഗ്രഹണം ശ്രീരാജ് രവീന്ദ്രന്‍, സംഗീതം ജേക്സ് ബിജോയ്, പ്രൊഡക്ഷന്‍ കണ്‍ട്രോളര്‍ മനോജ് പൂങ്കുന്നം, കല ആര്‍ഷാദ്, മേക്കപ്പ് രഞ്ജിത്ത് മണലിപ്പറമ്പ്, വസ്ത്രാലങ്കാരം ഗായത്രി കിഷോര്‍ സ്റ്റില്‍സ് ഷിജിന്‍, എഡിറ്റര്‍ മനു, പ്രൊഡക്ഷന്‍ എക്സിക്യൂട്ടീവ് ഉണ്ണി പൂങ്കുന്നം, ഷിന്റോ ഇരിഞ്ഞാലക്കുട, പി.ആര്.ഒ എ.എസ്. ദിനേശ്.
Recent Comments