കുഞ്ചാക്കോ ബോബനെയും രജീഷ വിജയനെയും കേന്ദ്ര കഥാപാത്രങ്ങളാക്കി അജയ് വാസുദേവ് സംവിധാനം ചെയ്യുന്ന പകലും പാതിരാവും മാര്‍ച്ച് 3ന് തിയറ്ററുകളില്‍ പ്രദര്‍ശനത്തിനെത്തുന്നു. ഗോകുലം മൂവീസിന്റെ ബാനറില്‍ ശ്രീ ഗോകുലം ഗോപാലനാണ് ചിത്രം നിര്‍മിക്കുന്നത്. നിഷാദ് കോയയാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്. ഗുരു സോമ സുന്ദരം, മനോജ് കെ. യു, സീത എന്നിവരാണ് ചിത്രത്തില്‍ മറ്റ് പ്രധാന വേഷങ്ങളിലെത്തുന്നത്. ഗോകുലം ഗോപാലനും ചിത്രത്തില്‍ ഒരു പ്രധാന വേഷത്തിലെത്തുന്നുണ്ട്.
ഷൈലോക്കിനുശേഷം അജയ് വാസുദേവ് ഒരുക്കുന്ന ചിത്രമാണ് പകലും പാതിരാവും. വിസി പ്രവീണ്‍, ബൈജു ഗോപാലന്‍ എന്നിവരാണ് ചിത്രത്തിന്റെ സഹ നിര്‍മ്മാതാക്കള്‍. എക്‌സിക്യൂട്ടീവ് പ്രൊഡ്യൂസര്‍ കൃഷ്ണമൂര്‍ത്തി. ഫായിസ് സിദ്ധിഖാണ് ഛായാഗ്രാഹകന്‍. സാം സി.എസ് ആണ് പശ്ചാത്തല സംഗീതം നിര്‍വ്വഹിക്കുന്നത്. സംഗീതം സ്റ്റീഫന്‍ ദേവസി. വിതരണം: ശ്രീ ഗോകുലം മൂവീസ്. കഥ: ദയാല്‍ പത്മനാഭന്‍, എഡിറ്റര്‍: റിയാസ് ബദര്‍, കല സംവിധാനം: ജോസഫ് നെല്ലിക്കല്‍, മേക്കപ്പ്: ജയന്‍, ഡിസൈന്‍: കൊളിന്‍സ്, പ്രൊഡക്ഷന്‍ കണ്‍ട്രോളര്‍: സുരേഷ് മിത്രകരി, ചീഫ് അസോസിയേറ്റ്: മനീഷ് ബാലകൃഷ്ണന്‍, കോസ്റ്റിയും: ഐഷ സഫീര്‍ സേട്ട്, സ്റ്റില്‍സ്: പ്രേംലാല്‍ പട്ടാഴി. പി.ആര്.ഒ: ശബരി.
Recent Comments