കുഞ്ചാക്കോ ബോബന്‍ നായകനാകുന്ന ‘ന്നാ താന്‍ കേസ് കൊട്’ എന്ന ചിത്രത്തിന്റെ ഷൂട്ടിംഗ് ചെറുവത്തൂരിലാരംഭിച്ചു. ആന്‍ഡ്രോയിഡ് കുഞ്ഞപ്പനുശേഷം രതീഷ് പൊതുവാള്‍ തിരക്കഥയെഴുതി സംവിധാനം ചെയ്യുന്ന ചിത്രംകൂടിയാണ്. സന്തോഷ് ടി. കുരുവിളയാണ് ചിത്രം നിര്‍മ്മിക്കുന്നത്.
ഇന്ന് രാവിലെയായിരുന്നു ചിത്രത്തിന്റെ പൂജ. തൃക്കരിപ്പൂര്‍ എം.എല്‍.എ. എം. രാജഗോപാലാണ് ഭദ്രദീപം കൊളുത്തി പൂജാച്ചടങ്ങ് ഉദ്ഘാടനം ചെയ്തത്. ഗായത്രിശങ്കറാണ് നായിക. ഗായത്രി അഭിനയിക്കുന്ന ആദ്യ മലയാളചിത്രംകൂടിയാണിത്. നടുവിലെ കൊഞ്ചം പക്കത്തെ കാണോം, സൂപ്പര്‍ ഡീലക്‌സ് എന്നീ തമിഴ് ചിത്രങ്ങളില്‍ ഗായത്രി ശങ്കര്‍ അഭിനയിച്ചിട്ടുണ്ട്.
രാകേഷ് ഹരിദാസാണ് ചിത്രത്തിന്റെ ഛായാഗ്രാഹകന്‍. ഷെര്‍നി എന്ന ഹിന്ദി ചിത്രത്തിന് ഛായാഗ്രാഹണം നിര്‍വ്വഹിച്ചതും രാകേഷ് ഹരിദാസാണ്. പ്രൊഡക്ഷന്‍ ഡിസൈനര്‍ ജ്യോതിഷ് ശങ്കറും പ്രൊഡക്ഷന്‍ കണ്‍ട്രോളര്‍ ബെന്നി കട്ടപ്പനയുമാണ്.
Recent Comments