ബ്രോഡാഡിയ്ക്ക് ശേഷം ലാലു അലക്സ് മുഴുനീള വേഷത്തില്‍ എത്തുന്ന ‘ഇമ്പ’ത്തിന്റെ ഒഫീഷ്യല്‍ ടൈറ്റില്‍ ലുക്ക് പോസ്റ്റര്‍ പുറത്തിറക്കി. ബാംഗ്‌ളൂര്‍ ആസ്ഥാനമായ മാമ്പ്ര സിനിമാസിന്റെ ബാനറില്‍ ഡോ. മാത്യു മാമ്പ്ര നിര്‍മ്മിക്കുന്ന ചിത്രം തിരക്കഥയെഴുതി സംവിധാനം ചെയ്യുന്നത് ശ്രീജിത്ത് ചന്ദ്രനാണ്. ദീപക് പറമ്പോള്‍, മീര വാസുദേവ്, ദര്‍ശന, ഇര്‍ഷാദ് എന്നിവരാണ് മറ്റു പ്രധാന അഭിനേതാക്കള്‍. കൂടാതെ കലേഷ് രാമാനന്ദ്, ദിവ്യ എം. നായര്‍, ശിവജി ഗുരുവായൂര്‍, നവാസ് വള്ളിക്കുന്ന്, വിജയന്‍ കാരന്തൂര്‍, മാത്യു മാമ്പ്ര, ഐ.വി ജുനൈസ്, ജിലു ജോസഫ്, സംവിധായകരായ ലാല്‍ ജോസ്, ബോബന്‍ സാമുവല്‍ തുടങ്ങി നിരവധി അഭിനേതാക്കള്‍ അണിനിരക്കുന്നു.
ഒരു പഴയകാല പബ്ലിഷിംഗ് ഹൗസിന്റെ നടത്തിപ്പുകാരനായ കരുണാകരന്റെയും അയാളുടെ സ്ഥാപനത്തില്‍ അവിചാരിതമായി കടന്നു വരുന്ന കാര്‍ട്ടൂണിസ്റ്റായ നിഥിന്‍ എന്ന ചെറുപ്പക്കാരന്റെയും ജീവിതത്തില്‍ ഉണ്ടാകുന്ന രസകരമായ സംഭവങ്ങള്‍ നര്‍മ്മത്തിലൂടെ അവതരിപ്പിക്കുന്ന ചിത്രം കൂടിയാണ് ഇമ്പം. ഫാമിലി എന്റര്‍ടൈനറാണ് ചിത്രം.
ഛായാഗ്രഹണം നിജയ് ജയന്‍, എഡിറ്റിംഗ് കുര്യാക്കോസ് കുടശ്ശെരില്‍, ഗാനരചന വിനായക് ശശികുമാര്‍, സംഗീതം ജയഹരി, കല ആഷിഫ് എടയാടന്‍, കോസ്റ്റ്യൂം സൂര്യ ശേഖര്‍, മേക്കപ്പ് മനു മോഹന്‍, പ്രോഡക്ഷന്‍ കണ്‍ട്രോളര്‍ ഷബീര്‍ മലവെട്ടത്ത്, അസോസിയേറ്റ് ഡയറക്ടര്‍ ജിജോ ജോസ്, പ്രൊജക്റ്റ് ഡിസൈനര്‍ അബിന്‍ എടവനക്കാട്, പി.ആര്‍.ഒ പി. ശിവപ്രസാദ്, എന്നിവരാണ് മറ്റ് അണിയറ പ്രവര്‍ത്തകര്‍.
Recent Comments