ജീത്തു ജോസഫ് സംവിധാനം ചെയ്യുന്ന മോഹന്‍ലാല്‍ ചിത്രമായ നേരിന്റെ മൂന്നാമത്തെ പോസ്റ്റര്‍ പുറത്തിറങ്ങിയത് രണ്ട് ദിവസം മുമ്പാണ്. മോഹന്‍ലാലിനൊപ്പം പ്രിയാമണിയും അനശ്വര രാജനുമാണ് പോസ്റ്ററിലുള്ളത്. നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായ ചിത്രം ഡിസംബര്‍ 21 നാണ് പ്രദര്‍ശനത്തിനെത്തുകയാണ്.
ആശിര്‍വ്വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിക്കുന്നത്. മോഹന്‍ലാലും പ്രിയാമണിയും ചിത്രത്തില്‍ അഭിഭാഷകരായിട്ടാണ് വേഷമിടുന്നത്. ഒരു കേസിന്റെ ന്യായാന്യായങ്ങളും തുടര്‍ന്നുണ്ടാക്കുന്ന വാദപ്രതിവാദങ്ങളുമാണ് ചിത്രത്തിന്റെ ഇതിവൃത്തം.
പ്രേക്ഷകരെ ഉദ്വേഗത്തിന്റെ മുള്‍മുനയിലേറ്റുന്ന ഒരു കോര്‍ട്ട് റൂം ഡ്രാമയാണ് ജീത്തു ജോസഫിന്റെ ഈ ചിത്രം. അഭിഭാഷക കൂടിയായ ശാന്തി മായാദേവിയും ജീത്തു ജോസഫും ചേര്‍ന്നാണ് തിരക്കഥ എഴുതിയിരിക്കുന്നത്. കോടതി സിനിമകള്‍ നിരവധി കണ്ടിട്ടുണ്ടങ്കിലും ഒരു അഡ്വക്കേറ്റ് തിരക്കഥ എഴുതിയ ചിത്രമെന്ന നിലയില്‍ ആകാംഷകള്‍ ഏറെയാണ്.
ജഗദീഷ്, സിദ്ദിഖ്, ഗണേഷ് കുമാര്‍, നന്ദു, മാത്യു വര്‍ഗീസ്, ദിനേശ് പ്രഭാകര്‍, ശങ്കര്‍ ഇന്ദുചൂഡന്‍, കലേഷ്, കലാഭവന്‍ ജിന്റോ, ശാന്തി മായാദേവി, രമാദേവി, രശ്മി അനില്‍ എന്നിവരാണ് മറ്റു പ്രധാന താരങ്ങളാണ്. വിനായക് ശശികുമാറിന്റെ വരികള്‍ക്ക് വിഷ്ണു ശ്യാം ഈണം പകര്‍ന്നിരിക്കുന്നു.
Recent Comments