പൃഥ്വിരാജിനെ കേന്ദ്രകഥാപാത്രമാക്കി ഷാജി കൈലാസ് സംവിധാനം നിര്‍വ്വഹിക്കുന്ന ചിത്രമാണ് കടവ. കടുവയിലെ ലിറിക്കല്‍ വീഡിയോ പുറത്ത് വിട്ടിരിക്കുകയാണ് ചിത്രത്തിന്റെ അണിയറപ്രവര്‍ത്തകര്‍. സുപ്രിയാമേനോനും ലിസ്റ്റിന്‍ സ്റ്റീഫനും ചേര്‍ന്ന് നിര്‍മ്മിക്കുന്ന ചിത്രത്തിന്റെ കഥ, തിരക്കഥ, സംഭാഷണം എഴുതിയത് ജിനു വി. എബ്രഹാമാണ്. സന്തോഷ് വര്‍മ്മയുടെ വരികള്‍ക്ക് ജേക്ക്‌സ് ബിജോയിയാണ് സംഗീതം നിര്‍വ്വഹിച്ചിരിക്കുന്നത്. ലിബിന്‍ സക്കറിയ, മിഥുന്‍ സുരേഷ്, ശ്വേതാ അശോക് എന്നിവരാണ് ഗാനം ആലപിച്ചിരിക്കുന്നത്.
പൃഥ്വിരാജും വിവേക് ഒബ്‌റോയുമാണ് ലിറിക് വീഡിയോയില്‍ പ്രത്യക്ഷപ്പെടുന്നത്. ലിറിക്കല്‍ വീഡിയോ പൃഥ്വി ആരാധകര്‍ ഏറ്റെടുത്തിരിക്കുകയാണ്. സത്യരാജ്, സിദ്ധിക്ക്, വിജയരാഘവന്‍, സായികുമാര്‍, ബൈജു സന്തോഷ്, അര്‍ജുന്‍ അശോകന്‍, അജു വര്‍ഗ്ഗീസ്, കലാഭവന്‍ ഷാജോണ്‍, കൊച്ചുപ്രേമന്‍, അലന്‍സിയര്‍, സംയുക്ത മേനോന്‍, പ്രിയങ്ക നായര്‍ എന്നിവരും താരനിരയിലുണ്ട്.
അഭിനന്ദന്‍ രാമാനുജമാണ് ഛായാഗ്രാഹകന്‍. എഡിറ്റിംഗ് ഷമീര്‍ മുഹമ്മദും കലാസംവിധാനം മോഹന്‍ദാസും നിര്‍വ്വഹിക്കുന്നു. മാഫിയ ശശിയും കനല്‍ കണ്ണനും ചേര്‍ന്നാണ് സംഘട്ടനം നിര്‍വ്വഹിക്കുന്നത്. കോസ്റ്റിയൂം സമീറാ സനീഷ്, മേക്കപ്പ് സജി കാട്ടാക്കട, എക്‌സിക്യൂട്ടീവ് പ്രൊഡ്യൂസര്‍ നവീന്‍ പി. തോമസ്, പ്രൊഡക്ഷന്‍ കണ്‍ട്രോളര്‍ സഞ്ജു ജെ., പ്രൊഡക്ഷന്‍ എക്‌സിക്യൂട്ടീവ് മനോജ് എന്‍. എന്നിവരാണ് മറ്റ് അണിയറപ്രവര്‍ത്തകര്‍.
Recent Comments