മലയാളികള്‍ക്ക് നിരവധി ഹിറ്റ് ഗാനങ്ങള്‍ സമ്മാനിച്ച എം. ജയചന്ദ്രനും ശ്രേയാ ഘോഷാലും വീണ്ടും മഞ്ജു വാരിയര്‍ നായികയാകുന്ന പുതിയ ചിത്രം ആയിഷയ്ക്കുവേണ്ടി ഒന്നിക്കുന്നു. ഇന്‍ഡോ – അറബ് പശ്ചാത്തലത്തില്‍ ഒരുങ്ങുന്ന ചിത്രത്തില്‍ എം. ജയചന്ദ്രന്റെ സംഗീതത്തില്‍ രണ്ട് ഗാനങ്ങളാണ് ശ്രേയാ ഘോഷാല്‍ ആലപിച്ചിരിക്കുന്നത്. ട്വിറ്ററില്‍ ആരാധകരുമായുള്ള ചോദ്യോത്തര വേളയില്‍ മറുപടി നല്‍കവെ തന്റെ ആരാധകരോടായാണ് മലയത്തില്‍ മനോഹര ഗാനങ്ങളിലൂടെ തിരിച്ചെത്തുകയാണെന്ന സന്തോഷം ശ്രേയ പങ്കു വെച്ചത്. ഒരേ സമയം അറബിയിലും, മലയാളത്തിലും ഇറങ്ങുന്ന ചിത്രം മറ്റു ഇന്ത്യന്‍ ഭാഷകളിലും റിലീസ് ചെയ്യും.
നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന ചിത്രത്തിന്റെ രചന ആഷിഫ് കക്കാടിയാണ് നിര്‍വ്വഹിക്കുന്നത്. വിവിധ ഭാഷകളിലായി പത്തിലധികം ഗാനങ്ങളും ചിത്രത്തിലുണ്ട്. ചിത്രത്തിന്റെ മ്യൂസിക് റൈറ്റ്‌സ് സരിഗമ റെക്കോഡ് തുകയ്ക്കാണ് സ്വന്തമാക്കിയിരിക്കുന്നത്. ചിത്രം ഒക്ടോബറില്‍ തിയേറ്ററുകളിലെത്തും.
Recent Comments