ആര്‍ആര്‍ആറിന് ശേഷം രാജമൗലി സംവിധാനം ചെയ്യുന്ന ചിത്രത്തില്‍ മഹേഷ് ബാബുവാണ് നായകനാകുന്നത്. ഇനിയും പ്രീപ്രൊഡക്ഷന്‍ ആരംഭിച്ചിട്ടില്ലാത്ത ചിത്രത്തെ സംബന്ധിച്ചുള്ള പുതിയ അപ്‌ഡേറ്റ് എത്തിയിരിക്കുകയാണ്.
ചിത്രം ഒരു ആഫ്രിക്കന്‍ ജംഗിള്‍ അഡ്വഞ്ചര്‍ ആണെന്നാണ് വിവരം. നാം നിത്യജീവിതത്തില്‍ കാണുന്നതരം കഥാപാത്രങ്ങളായിരിക്കില്ല ചിത്രത്തിലേത്. കഥാപാത്രങ്ങള്‍ക്ക് തനതായ രൂപഭാവങ്ങളും പ്രകടനത്തില്‍ സവിശേഷതകളുമൊക്കെ കൊണ്ടുവരാറുള്ള സംവിധായകനാണ് അദ്ദേഹം. പുതിയ ചിത്രത്തിന്റെ പ്രീപ്രൊഡക്ഷന്റെ ഭാഗമായി അഭിനേതാക്കള്‍ക്കുള്ള വര്‍ക്ക്‌ഷോപ്പ് നയിക്കാനായി ഒരു പ്രമുഖ തെന്നിന്ത്യന്‍ താരത്തെ സംവിധായകന്‍ രാജമൗലി ക്ഷണിച്ചതായാണ് തെലുങ്ക് മാധ്യമങ്ങളില്‍ വരുന്ന റിപ്പോര്‍ട്ടുകള്‍.
ചിത്രത്തിനുവേണ്ടി മഹേഷ് ബാബു അടക്കമുള്ള അഭിനേതാക്കളെ നാസര്‍ പരിശീലിപ്പിക്കും. അഭിനയത്തിനൊപ്പം ഡയലോഗ് ഡെലിവറിയില്‍ ശ്രദ്ധിക്കേണ്ട കാര്യങ്ങളാണ് വര്‍ക്ക് ഷോപ്പിലെ വിഷയം. നേരത്തേ ബാഹുബലിയിലെ കാലകേയ എന്ന കഥാപാത്രത്തിനായി പ്രത്യേകതരം ഭാഷ നിര്‍ദ്ദേശിച്ചത് നാസര്‍ ആണെന്ന് റിപ്പോര്‍ട്ടുകള്‍ ഉണ്ടായിരുന്നു. ബാഹുബലിയില്‍ ഒരു പ്രധാന കഥാപാത്രത്തെയും അവതരിപ്പിച്ചിരുന്നു നാസര്‍. ചിത്രത്തിന്റെ പ്രീപ്രൊഡക്ഷന്‍ വൈകാതെ ആരംഭിക്കുമെന്നാണ് റിപ്പോര്‍ട്ടുകള്‍.
Recent Comments