കുഞ്ചാക്കോ ബോബനും ദിവ്യ പ്രഭയും പ്രധാന കഥാപാത്രങ്ങളാകുന്ന 2022 ഡിസംബര്‍ 16 ന് നെറ്റ്ഫ്‌ളിക്‌സിലൂടെ സ്ട്രീം ചെയ്യം. ചിത്രത്തിന്റെ ട്രെയിലര്‍ പുറത്തിറങ്ങി. മഹേഷ് നാരായണന്‍ രചനയും എഡിറ്റിംഗും സംവിധാനവും നിര്‍വ്വഹിച്ചിരിക്കുന്നു. ഷെബിന്‍ ബാക്കര്‍ പ്രൊഡക്ഷന്‍, കുഞ്ചാക്കോ ബോബന്‍ പ്രൊഡക്ഷന്‍, മൂവിംഗ് നരെറ്റീവ്‌സ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
ഡല്‍ഹിയിലെ ഒരു മെഡിക്കല്‍ ഗ്ലൗസ് ഫാക്ടറിയില്‍ ജോലി ചെയ്യുന്ന ദമ്പതികളുടെ കഥയാണ് അറിയിപ്പ്. മെച്ചപ്പെട്ട ജീവിതത്തിനായി രാജ്യത്തിന് പുറത്തേക്ക് കുടിയേറാന്‍ ആഗ്രഹിക്കുന്ന ദമ്പതികള്‍ക്കിടയില്‍ അപ്രതീക്ഷിതമായി സംഭവിക്കുന്ന സംഭവ വികാസങ്ങളാണ് ചിത്രത്തിന്റെ കഥാഗതി.
‘അറിയിപ്പിന്റെ യാത്ര തികച്ചും സംതൃപ്തമാണ്. ലോകമെമ്പാടുമുള്ള വിവിധ ചലച്ചിത്രമേളകളില്‍ ചിത്രത്തിന് ലഭിച്ച പ്രതികരണത്തില്‍ ഞാന്‍ സന്തുഷ്ടനാണ്. നെറ്റ്ഫ്‌ലിക്‌സ് വഴി അവസാനം അത് നിങ്ങള്‍ക്ക് മുമ്പില്‍ എത്തിക്കുവാന്‍ സാധിച്ചിരിക്കുകയാണ്. ലോകമെമ്പാടുമുള്ള പ്രേക്ഷകര്‍ സിനിമ കാണുന്നതിനും അതിനോടുള്ള അവരുടെ പ്രതികരണങ്ങള്‍ക്കുമായി ഞാന്‍ കാത്തിരിക്കുകയാണ്. ഈ സിനിമ മഹാമാരിയെയും ഒരു ദമ്പതികളുടെ കഥയെയും അതിലൂടെ അതിജീവിക്കാനുള്ള അവരുടെ പോരാട്ടത്തെയും കുറിച്ചാണ് സിനിമ. സംവിധായകനും നിര്‍മ്മാതാവുമായ മഹേഷ് നാരായണന്‍ പറഞ്ഞു. പിആര്‍ഒ ശബരി.
Recent Comments