ഒരിടവേളയ്ക്കുശേഷം മേജര്‍ രവി സംവിധാനം ചെയ്യുന്ന ചിത്രമാണ് ഓപ്പറേഷന്‍ റാഹത്ത്. തമിഴ് നടന്‍ ശരത് കുമാര്‍ നാകനാകുന്ന ചിത്രത്തിന്റെ ടീസര്‍ പുറത്തിറങ്ങി. താരത്തിന്റെ 70-ാം ജന്മദിനത്തോടനുബന്ധിച്ചാണ് ടീസര്‍ പുറത്തിറക്കിയത്.
പ്രസിഡന്‍ഷ്യല്‍ മൂവീസ് ഇന്റര്‍നാഷണലിന്റെ ബാനറില്‍ ആഷ്‌ലിന്‍ മേരി ജോയ് ആണ് ചിത്രം നിര്‍മ്മിക്കുന്നത്. ഹിന്ദി, മലയാളം, തമിഴ്, തെലുഗു, കന്നഡ ഭാഷകളിലായാണ് ചിത്രം പുറത്തിറങ്ങുക. ഉദ്വേഗവും ആക്ഷനും നിറഞ്ഞ ഒരു ഗംഭീര ചിത്രമായിരിക്കും ഓപ്പറേഷന്‍ റാഹത്ത് എന്ന സൂചനയാണ് ടീസര്‍ നല്‍കുന്നത്. തീവ്രവാദവും ചിത്രത്തില്‍ പ്രതിപാദിക്കുന്ന വിഷയമാണ്. ശരത് കുമാറിനെ കൂടാതെ മാളവിക മേനോന്‍, റോയ് മലമക്കല്‍ എന്നിവരാണ് മറ്റ് പ്രധാന കഥാപാത്രത്തെ അവതരിപ്പിക്കുന്നത്.
കൃഷ്ണകുമാര്‍ കെ തിരക്കഥ എഴുതിയ ചിത്രത്തിന്റെ ഛായാഗ്രഹണം നിര്‍വ്വഹിക്കുന്ന അര്‍ജുന്‍ രവിയാണ്. എഡിറ്റര്‍: ഡോണ്‍ മാക്സ്, സംഗീതം: രഞ്ജിന്‍ രാജ്, ചീഫ് അസോസിയേറ്റ്: ബെന്നി തോമസ്, അസോസിയേറ്റ് ഡയറക്ടര്‍: പരീക്ഷിത്ത് ആര് എസ്, വസ്ത്രാലങ്കാരം: വി സായ് ബാബു, കലാസംവിധാനം: ഗോകുല്‍ ദാസ്, മേക്കപ്പ്: റോണക്സ് സേവ്യര്‍, പ്രൊഡക്ഷന്‍ കണ്‍ട്രോളര്‍: പ്രവീണ്‍ ബി മേനോന്‍, ഫിനാന്‍സ് കണ്‍ട്രോളര്‍: അഗ്രാഹ് പി, കാസ്റ്റിങ് ഡയറക്ടര്‍: രതീഷ് കടകം, പിആര്‍ഒ: ആതിര ദില്‍ജിത്ത്, ഡിജിറ്റല്‍ മാര്‍ക്കറ്റിങ്: അനൂപ് സുന്ദരന്‍, പബ്ലിസിറ്റി ഡിസൈന്‍: സുഭാഷ് മൂണ്‍മാമ.
Recent Comments