അരുണ്‍വര്‍മ്മ സംവിധാനം ചെയ്യുന്ന ഗരുഡന്റെ ചിത്രീകരണം എറണാകുളത്ത് പുരോഗമിക്കുന്നതിനിടെ ചിത്രത്തിന്റെ മേക്കിംഗ് വീഡിയോ പുറത്ത് വിട്ടിരിക്കുകയാണ് അണിയറപ്രവര്‍ത്തകര്‍. കോടതി പശ്ചാത്തലമാകുന്ന രംഗങ്ങളാണ് മേക്കിംഗ് വീഡിയോയിലുള്ളത്. ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്ന സുരേഷ് ഗോപി, ബിജുമേനോന്‍, സിദ്ധിഖ്, ജഗദീഷ്, ബാലാജി ശര്‍മ്മ, മേജര്‍ രവി, ദിവ്യ പിള്ള തുടങ്ങിയ താരങ്ങളുടെ സാന്നിദ്ധ്യം വീഡിയോയിലുണ്ട്.
പ്രമുഖ സംവിധായകനും ഛായാഗ്രാഹകനുമായ ജിബു ജേക്കബ്ബിനെയും വീഡിയോയില്‍ കാണാം. തന്റെ പുതിയ ചിത്രത്തിന്റെ ചര്‍ച്ചകളുമായി ബന്ധപ്പെട്ട് ബിജുമേനോനെ കാണാനെത്തിയതായിരുന്നു ജിബു.
ഒരു ലീഗല്‍ ത്രില്ലറാണ് ചിത്രം. മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനാണ് ഗരുഡന്‍ നിര്‍മ്മിക്കുന്നത്.
Recent Comments