ലീഗോള്‍ഡ് ഫിലിംസിന്റെ ബാനറില്‍ ബോബന്‍ ഗോവിന്ദന്‍ സംവിധാനം ചെയ്യുന്ന ചിത്രമാണ് മലവാഴി. ചിത്രീകരണത്തിന് മുന്നോടിയായി ചിത്രത്തിന്റെ പൂജയും സ്വിച്ചോണ്‍ കര്‍മ്മവും കൊല്ലംകോട്ട് ആരംഭിച്ചു. ചടങ്ങില്‍ കെ ബാബു നെന്മാറ എംഎല്‍എ, കെ ഡി പ്രസന്നന്‍ ആലത്തൂര്‍ എംഎല്‍എ., കെഎല്‍ രമേശ് വണ്ടാഴി പഞ്ചായത്ത് പ്രസിഡന്റ് എന്നിവര്‍ ചേര്‍ന്നാണ് ഓണ്‍ കര്‍മ്മം നിര്‍വ്വഹിച്ചത്. ഛായാഗ്രാഹകന്‍ മധു അമ്പാട്ട് ആദ്യ ഭദ്രദീപം തെളിയിച്ചു. സ്വിച്ച് ഓണ്‍ കര്‍മ്മത്തിന് ശേഷം ഷൂട്ടിംഗ് ആരംഭിച്ചു. പാലക്കാട് ജില്ലയിലെ വടക്കഞ്ചേരിക്കടുത്തുള്ള മുടപ്പല്ലൂര്‍ എന്ന ഗ്രാമപ്രദേശത്തായിരുന്നു ആദ്യത്തെ ലൊക്കേഷന്‍. കൊല്ലംകോട്, നെന്മാറ പരിസരപ്രദേശങ്ങളാണ് ചിത്രത്തിന്റെ പ്രധാന ലൊക്കേഷന്‍.
മൃദുഭാവേ ദൃഢകൃത്യേ എന്ന ചിത്രത്തിനുശേഷം രാജേഷ് കുറുമാലി തിരക്കഥാ രചനയും സംഭാഷണവും നിര്‍വഹിക്കുന്ന ചിത്രമാണിത്. ഒ.കെ. ശിവരാജിന്റെയും രാജേഷ് കുറുമാലിയുടേതാണ് കഥ. ഇന്നിന്റെ കാലഘട്ടത്തില്‍ മണ്ണ്, പെണ്ണ്, കല, പൈതൃകം എന്നിവയെ ചൂഷണം ചെയ്യപ്പെടുന്ന മാഫിയകളോട് പടപൊരുതി ജീവിക്കേണ്ടിവരുന്ന ഒരുപറ്റം മനുഷ്യരുടെ കഥയാണ് ചിത്രത്തിലൂടെ പറയുന്നത്.
മുംബൈയിലെ തിയറ്റര്‍ ആര്‍ട്ടിസ്റ്റായ ദേവദാസാണ് പ്രധാന വേഷം ചെയ്യുന്നത്. സംസ്ഥാന അവാര്‍ഡ് ജേതാവ് സിജി പ്രദീപാണ് നായിക. കൂടാതെ ഗുരുസോമസുന്ദരം, സുന്ദര പാണ്ഡ്യന്‍, മോഹന്‍ സിത്താര, രാജന്‍ പൂത്തറക്കല്‍, പ്രവീണ്‍ നാരായണന്‍, പാച്ചു, ശാന്തകുമാരി, മാസ്റ്റര്‍ ദേവനന്ദന്‍ എന്നിവര്‍ മറ്റു കഥാപാത്രങ്ങളെ അവതരിപ്പിക്കുന്നു.
ഛായാഗ്രഹണം മധു അമ്പാട്ട്, സംഗീതം മോഹന്‍സിത്താര, ഗാനരചന ഷമ്മു മാഞ്ചിറ, എഡിറ്റിംഗ് സുമേഷ് ബി ഡബ്ല്യു ടി., ആര്‍ട്ട് ബിനില്‍. കോസ്റ്റ്യൂമര്‍ രശ്മി ഷാജൂണ്‍ കാര്യാല്‍, മേക്കപ്പ് പി എന്‍ മണി, കോഡിനേറ്റേഴ്‌സ് സുരേഷ് പുത്തന്‍കുളമ്പ്, സോണി ഒല്ലൂര്‍, കാസ്റ്റിംഗ് ഡയറക്ടര്‍ രാജേഷ് നാരായണന്‍, ചീഫ് അസോസിയറ്റ് ഡയറക്ടര്‍ ലിഗോഷ് ഗോപിനാഥ്, അസോസിയേറ്റ് ഡയറക്ടര്‍ ശിവ രഘുരാജ്, അസിസ്റ്റന്റ് ഡയറക്ടേഴ്‌സ് ബിബി കെ. ജോണ്‍, അജയ് റാം, ഉബൈസ്. പ്രൊഡക്ഷന്‍ ഇന്‍ ചാര്‍ജ് പൂക്കടവാസു. പ്രൊഡക്ഷന്‍ എക്‌സിക്യൂട്ടീവ് സുജിത്ത് ഐനിക്കല്‍, പ്രൊഡക്ഷന്‍ കണ്‍ട്രോളര്‍ ദില്ലി ഗോപന്‍. സ്റ്റില്‍സ് അജേഷ് ആവണി, പിആര്‍ഒ എംകെ ഷെജിന്‍.
Recent Comments