വിക്രമിന്റെ ഏറ്റവും പുതിയ സിനിമ കോബ്രയുടെ ടീസര്‍ പുറത്തിറങ്ങി. മതിയഴകന്‍ എന്ന ഗണിതശാസ്ത്ര അദ്ധ്യാപകന്റെ ലുക്കിലാണ് വിക്രം. ടീസര്‍ ഇറങ്ങിയതിന് പിന്നാലെ പതിനായിരങ്ങളാണ് അത് കണ്ടിരിക്കുന്നത്.
ആര്. അജയ് ജ്ഞാനമുത്തു സംവിധാനം ചെയ്യുന്ന ആക്ഷന്‍ ത്രില്ലറില്‍ മലയാളി സാന്നിദ്ധ്യവുമുണ്ട്. മിയ, റോഷന്‍ മാത്യു, മാമുക്കോയ, ബാബു ആന്റണി എന്നിവരാണ് മലയാളത്തില്‍നിന്നുള്ള താരങ്ങള്‍. നീണ്ട ഇടവേളയ്ക്കുശേഷമാണ് ബാബു ആന്റണി ഒരു തമിഴ് ചിത്രത്തില്‍ വേഷമിടുന്നത്.
നായികയാകുന്ന ശ്രീനിധി ഷെട്ടിയുടെ ആദ്യ തമിഴ് ചിത്രമാണ് കോബ്ര. മുന്‍ ഇന്ത്യന്‍ ക്രിക്കറ്റ് താരമായ ഇര്‍ഫാന്‍ പഥാനും കേബ്രയിലൂടെ സിനിമയില്‍ അരങ്ങേറ്റം കുറിക്കുന്നു. വിക്രമിന്റെ പ്രതിനായകനായാണ് പഥാന്റെ വരവ്.
2018 ല്‍ ഷൂട്ടിംഗ് തുടങ്ങിയ കോബ്ര പല ഷെഡ്യൂളുകള്‍ പിന്നിട്ട് 2020 ഡിസംബര്‍ മൂന്നിനാണ് പൂര്‍ത്തീകരിച്ചത്. വിദേശ രാജ്യങ്ങളിലും ഇന്ത്യയിലുമായി ചിത്രീകരിച്ച കോബ്രയുടെ സംഗീതം നിര്‍വ്വഹിക്കുന്നത് എ.ആര്. റഹ്‌മാനാണ്. ഹരീഷ് കണ്ണനാണ് ഛായാഗ്രാഹകന്‍.
സെവന്‍ സ്‌ക്രീന്‍ സ്റ്റുഡിയോയുടെ ബാനറില്‍ എസ്.എസ്. ലളിത്കുമാറാണ് കോബ്ര നിര്‍മ്മിച്ചിരിക്കുന്നത്. 2021 മെയ് 22 ന് ചിത്രം തീയേറ്ററിലെത്തുമെന്നാണ് സൂചന.
Recent Comments