പൃഥ്വിരാജിനെയും നയന്‍താരയെയും പ്രധാന കഥാപാത്രങ്ങളാക്കി അല്‍ഫോന്‍സ് പുത്രന്‍ സംവിധാനം ചെയ്യുന്ന ഗോള്‍ഡിന്റെ ഷൂട്ടിംഗിന് ഇന്ന് ആലുവയില്‍ തുടക്കമാകും. മൂന്ന് മണിക്കാണ് പൂജ. പൃഥ്വിയും നയനും വരുംദിവസങ്ങളില്‍ ജോയിന്‍ ചെയ്യും. ബ്രോഡാഡിയുടെ ഷൂട്ടിംഗ് പൂര്‍ത്തിയാക്കി പൃഥ്വിരാജ് കേരളത്തിലെത്തിയിട്ടുണ്ട്.
ഗോള്‍ഡില്‍ പൃഥ്വിയുടെ അമ്മയായി അഭിനയിക്കുന്നത് മല്ലികാ സുകുമാരനാണ്. പൃഥ്വിരാജ് സംവിധാനം ചെയ്ത ബ്രോഡാഡിയില്‍ ലാലിന്റെ അമ്മവേഷമായിരുന്നു മല്ലികയ്ക്ക്. അതില്‍ മോഹന്‍ലാലും പൃഥ്വിരാജും അച്ഛനും മകനുമായിട്ടാണ് അഭിനയിക്കുന്നത്.
മാജിക് ഫ്രെയിംസും പൃഥ്വിരാജ് പ്രൊഡക്ഷന്‍സും ചേര്‍ന്നാണ് ഗോള്‍ഡ് നിര്‍മ്മിക്കുന്നത്. ഡോ. അജ്മല്‍ അമീറും ഈ ചിത്രത്തില്‍ ഒരു പ്രധാന വേഷം ചെയ്യുന്നു.
Recent Comments