തിയേറ്ററുകളില്‍ മികച്ച അഭിപ്രായം നേടി മുന്നേറുന്നതിനിടെ തണുപ്പ് എന്ന സിനിമയിലെ ഹിറ്റ് ഗാനത്തിന്റെ വീഡിയോ റിലീസ് ചെയ്തു. മന്ദാകിനിയിലെ സൂപ്പര്‍ ഹിറ്റുകള്‍ക്ക് ശേഷം ബിബിന്‍ അശോക് സംഗീതം നല്‍കിയ പുതിയ ചിത്രമാണ് തണുപ്പ്. കപില്‍ കപിലനും ശ്രീനന്ദ ശ്രീകുമാറും ആലപിച്ച മാമ്പൂ മണമിതാ മേലാകെയായി… എന്ന പാട്ടിന്റെ വീഡിയോയാണ് മനോരമ മ്യൂസിക് പുറത്തിറക്കിയത്.
വിവേക് മുഴക്കുന്ന് ഗാനരചന നിര്‍വഹിച്ച ഈ ഗാനം ഇതിനോടകം തന്നെ സംഗീതപ്രേമികള്‍ സ്വീകരിച്ചതാണ്. രാഗേഷ് നാരായണന് തിരക്കഥയെഴുതി സംവിധാനം ചെയ്ത ചിത്രമാണ് തണുപ്പ്. വ്യത്യസ്തമായ പ്രമേയവും അവതരണവും ശക്തി പകരുന്ന തണുപ്പിന് മികച്ച അഭിപ്രായമാണ് പ്രേക്ഷകര്‍ക്കിടയില്‍. മൗത്ത് പബ്ലിസിറ്റിയാണ് സിനിമയ്ക്ക് ഗുണം ചെയ്യുന്നത്. കാശി സിനിമാസിന്റെ ബാനറില്‍ അനു അനന്തനും ഡോ. ലക്ഷ്മിയും നിര്‍മ്മിച്ച സിനിമയില്‍ 25 ഓളം പുതുമുഖങ്ങള്‍ അഭിനയിച്ചിട്ടുണ്ട്. നിധീഷ്, ജിബിയ എന്നവര്‍ പ്രധാന കഥാപാത്രങ്ങളെ അവതരിപ്പിക്കുന്നത്. പിഎസ് മണികണ്ഠനാണ് ഛായാഗ്രാഹകന്‍. എഡിറ്റിങ് സഫ്ദര്‍ മെര്‍വ. ദേശീയ- അന്തര്‍ദേശീയ ചലച്ചിത്ര മേളകളില്‍ പതിനഞ്ചോളം പുരസ്‌കാരങ്ങള്‍ തണുപ്പ് നേടിയിട്ടുണ്ട്.
Recent Comments