അഖില്‍ അക്കിനേനി നായകനാകുന്ന ഏജന്റിന്റെ റിലീസ് തീയതി പ്രഖ്യാപിച്ചു. ഏപ്രില്‍ 28 ന് ചിത്രം റിലീസ് ചെയ്യും. ഏപ്രില്‍ 8 അഖിലിന്റെ പിറന്നാള്‍ ദിനംകൂടിയാണ്. അതിന് മുന്നോടിയായി പുറത്തുവിട്ട പോസ്റ്ററിലൂടെയാണ് അണിയറപ്രവര്‍ത്തകര്‍ റിലീസ് തീയതിയും പ്രഖ്യാപിച്ചത്.
സുരേന്ദര്‍ റെഡ്ഡി സംവിധാനം ചെയ്യുന്ന ചിത്രത്തില്‍ മമ്മൂട്ടിയും ഒരു പ്രധാന വേഷം ചെയ്യുന്നു. സാക്ഷിവൈദ്യയാണ് നായിക. തെലുങ്ക്, ഹിന്ദി, തമിഴ്, കന്നഡ, മലയാളം എന്നീ ഭാഷകളിലായിട്ടാണ് ചിത്രം റിലീസ് ചെയ്യുന്നത്. എ.കെ. എന്റര്‍ടെയിന്‍മെന്റ്‌സിന്റെയും സൂരേന്ദര്‍ 2 സിനിമയുടെയും ബാനറില്‍ രാമബ്രഹ്‌മം സുങ്കരയാണ് ചിത്രം നിര്‍മ്മിച്ചിരിക്കുന്നത്. അജയ് സുങ്കരയും ദീപാ റെഡ്ഡിയുമാണ് സഹനിര്‍മ്മാതാക്കള്‍. പി.ആര്‍.ഒ. ശബരി.
Recent Comments