പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന യുവതാരം അഖില്‍ അക്കിനേനിയും മെഗാസ്റ്റാര്‍ മമ്മൂട്ടിയും ഒന്നിക്കുന്ന ഏജന്റിന്റെ ടീസര്‍ പുറത്തിറങ്ങി. സ്‌റ്റൈലിഷ് ഫിലിം മേക്കറായ സുരേന്ദര്‍ റെഡ്ഡി സംവിധാനം ചെയ്യുന്ന ചിത്രം തെലുങ്ക്, ഹിന്ദി, തമിഴ്, കന്നഡ, മലയാളം എന്നീ ഭാഷകളിലായി ടീസര്‍ റിലീസ് ചെയ്തു. വന്‍ ബഡ്ജറ്റില്‍ ഒരുങ്ങുന്ന ആക്ഷന്‍ സ്‌പൈ ത്രില്ലര്‍ സിനിമയുടെ ചിത്രീകരണം അവസാന ഘട്ടത്തിലാണ്.
സാക്ഷി വൈദ്യയാണ് നായിക. മമ്മൂട്ടി ഒരു പ്രധാന വേഷത്തില്‍ എത്തുന്നുവെന്നതും ചിത്രത്തിന്റെ പ്രധാന ഹൈലൈറ്റുകളില്‍ ഒന്നാണ്. എകെ എന്റര്‍ടൈന്‍മെന്റ്സിന്റെയും സുരേന്ദര്‍ 2 സിനിമയുടെയും ബാനറില്‍ രാമബ്രഹ്‌മം സുങ്കര നിര്‍മ്മിക്കുന്ന ചിത്രത്തിന് വക്കന്തം വംശിയാണ് തിരക്കഥ ഒരുക്കിയിരിക്കുന്നത്.
ഹിപ് ഹോപ് തമിഴയാണ് സംഗീതം ഒരുക്കിയിരിക്കുന്നത്. റസൂല്‍ എല്ലൂര്‍ ഛായാഗ്രഹണവും നവീന്‍ നൂലി എഡിറ്റിംഗും അവിനാഷ് കൊല്ല കലാസംവിധാനവും നിര്‍വ്വഹിക്കുന്നു. അജയ് സുങ്കര, പതി ദീപ റെഡ്ഡി എന്നിവരാണ് ചിത്രത്തിന്റെ സഹ നിര്‍മ്മാതാക്കള്‍. എക്‌സിക്യൂട്ടീവ് പ്രൊഡ്യൂസര്‍: കിഷോര്‍ ഗരികിപതി. പിആര്‍ഒ ശബരി.
Recent Comments