കഴിഞ്ഞ ദിവസമാണ് മമ്മൂട്ടി നായകനാകുന്ന കണ്ണൂര്‍ സ്‌ക്വാഡിന്റെ ചിത്രീകരണം വയനാട് പൂര്‍ത്തിയായത്. ഡീന്‍ ഡെന്നീസ് സംവിധാനം ചെയ്യുന്ന ചിത്രത്തിലാണ് മമ്മൂട്ടി ഇനി അഭിനയിക്കുന്നത്. ചിത്രത്തിന്റെ ഷൂട്ടിംഗ് ഏപ്രില്‍ 23 ന് എറണാകുളത്ത് ആരംഭിക്കും. 25 ന് മമ്മൂട്ടി ജോയിന്‍ ചെയ്യും. പ്രശസ്ത തിരക്കഥാകൃത്ത് കലൂര്‍ ഡെന്നീസിന്റെ മകനാണ് ഡീന്‍ ഡെന്നീസ്.
ഡീന്‍ തന്നെയാണ് ചിത്രത്തിന് കഥയും തിരക്കഥയും സംഭാഷണവും എഴുതുന്നത്. ചിത്രത്തില്‍ ഗൗതം വാസുദേവ് മേനോന്‍ ഒരു പ്രധാന വേഷം ചെയ്യുന്നു. മമ്മൂട്ടിക്കൊപ്പം ഇതാദ്യമായിട്ടാണ് ഗൗതം മേനോന്‍ അഭിനയിക്കുന്നു. ഷൈന്‍ ടോം ചാക്കോയാണ് കാസ്റ്റ് ചെയ്യപ്പെട്ട മറ്റൊരു താരം. താരനിര്‍ണ്ണയം നടന്നുവരികയാണ്. നിമീഷ് രവി ഛായാഗ്രാഹകനാകുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ സഞ്ജു ജെ ആണ്.
തീയേറ്റര്‍ ഓഫ് ഡ്രീംസിന്റെ ബാനറില്‍ ഡോള്‍വിന്‍ കുര്യാക്കോസും ജിനു വി. എബ്രഹാമും ചേര്‍ന്നാണ് ചിത്രം നിര്‍മ്മിക്കുന്നത്. ഈ ബാനറില്‍ നിര്‍മ്മിക്കുന്ന മൂന്നാമത്തെ ചിത്രമാണിത്.
Recent Comments