അടുത്തിടെയാണ് മലയാളികളുടെ പ്രിയ താരങ്ങളായ മോഹന്‍ലാലും മമ്മൂട്ടിയും ഗോള്‍ഡന്‍ വിസ സ്വീകരിക്കാന്‍ ദുബായിലേക്ക് പോയത്. രണ്ട് കൊല്ലത്തിനുശേഷമാണ് മമ്മൂട്ടി ദുബായിലേക്ക് പോകുന്നത്. പിന്നാലെ ഗോള്‍ഡന്‍ വിസ സ്വീകരിക്കുന്നതിനായി നടന്‍ മോഹന്‍ലാലും ദുബായിലേക്ക് പുറപ്പെട്ടിരുന്നു.
ഇരുവരും ഗോള്‍ഡന്‍ വിസ സ്വീകരിക്കുന്ന വീഡിയോയാണ് ഇപ്പോള്‍ സോഷ്യല്‍മീഡിയയില്‍ തരംഗമായിരിക്കുന്നത്. ഗോള്‍ഡന്‍ വിസയ്ക്കായി സഹായിച്ച വ്യവസായി യൂസഫ് അലിക്കുള്ള നന്ദിയും ഇരുവരും പങ്കുവയ്ക്കുന്നുണ്ട്.
ഇതിനുമുമ്പ് ഇന്ത്യന്‍ സിനിമയില്‍ നിന്ന് ഷാറുഖ് ഖാന്‍, സഞ്ജയ് ദത്ത് എന്നിവര്‍ക്ക് ഗോള്‍ഡന്‍ വിസ ലഭിച്ചിരുന്നു. പിന്നീട് ടെന്നിസ് താരം സാനിയ മിര്‍സക്കും യുഎഇ ഗോള്‍ഡന്‍ വിസ നല്‍കിയിരുന്നു. അതിന് ശേഷമാണ് മലയാള സൂപ്പര്‍ താരങ്ങളായ മമ്മൂട്ടിയും മോഹന്‍ലാലും ഗോള്‍ഡന്‍ വിസക്ക് അര്‍ഹരാവുന്നത്. കലാരംഗത്തെ സംഭാവന പരിഗണിച്ചാണ് ഇരുവര്‍ക്കും യു.എ.ഇ സര്‍ക്കാര്‍ ഗോള്‍ഡന്‍ വിസ അനുവദിച്ചത്.
Recent Comments