മമ്മൂട്ടി കേന്ദ്രകഥാപാത്രത്തെ അവതരിപ്പിക്കുന്ന കണ്ണൂര്‍ സ്‌ക്വാഡിന്റെ പൂനെ ഷെഡ്യൂള്‍ ഇന്നലെ അവസാനിച്ചു. അടുത്ത ഷെഡ്യൂള്‍ വയനാട്ടിലാണ്. മാര്‍ച്ച് 9 ന് വയനാട് ഷെഡ്യൂള്‍ ആരംഭിക്കും. പത്ത് ദിവസത്തെ വര്‍ക്കാണ് അവിടെയുള്ളത്. അതുകഴിഞ്ഞ എറണാകുളത്തേയ്ക്ക് തിരിച്ചെത്തും.
മമ്മൂട്ടികമ്പനി നിര്‍മ്മിക്കുന്ന നാലാമത്തെ ചിത്രംകൂടിയാണ് കണ്ണൂര്‍ സ്‌ക്വാഡ്. ഒരു ഇന്‍വെസ്റ്റിഗേറ്റീവ് ത്രില്ലറാണ്. അടുത്തിടെയാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ റിലീസായത്.
റോബി വര്‍ഗ്ഗീസ് രാജാണ് ചിത്രത്തിന്റെ സംവിധായകന്‍. നടന്‍ കൂടിയായ ഡോ. റോണി ഡേവിഡ് രാജിന്റെ സഹോദരനാണ് റോബി വര്‍ഗ്ഗീസ്. റോണി ഡേവിഡാണ് ഈ ചിത്രത്തിന് തിരക്കഥ എഴുതുന്നത്.
Recent Comments