മമ്മൂട്ടിയെ നായകനാക്കി റോബി വര്‍ഗ്ഗീസ് രാജ് സംവിധാനം ചെയ്യുന്ന ചിത്രത്തിന്റെ ആദ്യ ഷെഡ്യൂള്‍ 9-ാം തീയതി എറണാകുളത്ത് പൂര്‍ത്തിയായി. സെക്കന്റ് ഷെഡ്യൂള്‍ ഫെബ്രുവരി 14 ന് പൂനെയില്‍ ആരംഭിക്കും. പൂനെയില്‍നിന്ന് ഏറെ മാറി വായ് (WAI) എന്ന സ്ഥലത്താണ് ഷൂട്ടിംഗ്. മമ്മൂട്ടി 14-ാം തീയതി ജോയിന്‍ ചെയ്യും. ഒരു പോലീസ് ഉദ്യോഗസ്ഥനായിട്ടാണ് മമ്മൂട്ടി ഈ ചിത്രത്തിലും അഭിനയിക്കുന്നത്. നിലവില്‍ മമ്മൂട്ടി പോലീസ് വേഷം ചെയ്ത ക്രിസ്റ്റഫര്‍ തീയേറ്ററുകളില്‍ വിജയകരമായി പ്രദര്‍ശനം തുടരുകയാണ്.
പുതിയ നിയമം എന്ന ചിത്രത്തിലൂടെ സ്വതന്ത്ര ഛായാഗ്രാഹകനായ റോബി വര്‍ഗ്ഗീസ് രാജ് ആദ്യമായി സംവിധാനം ചെയ്യുന്ന ചിത്രം കൂടിയാണിത്. വെള്ളം, ജോണ്‍ ലൂഥര്‍, വാശി, ലൗ ആക്ഷന്‍ ഡ്രാമ, തട്ടിന്‍പുറത്ത് അച്യുതന്‍ തുടങ്ങിയ ചിത്രങ്ങളുടെ ഛായാഗ്രാഹകനും റോബി വര്‍ഗ്ഗീസ് രാജായിരുന്നു. മുഹമ്മദ് ഷാഫിയുടെ കഥയ്ക്ക് തിരക്കഥയെഴുതുന്നത് നടന്‍ റോണി ഡേവിഡ് രാജാണ്. വിജയരാഘവന്‍, ശബരീസ് വര്‍മ്മ, ദീപക് പരമ്പോല്‍, അസീസ് നെടുമങ്ങാട്, റോണി ഡേവിഡ് എന്നിവരും അഭിനയിക്കുന്നു. ഹിന്ദിയില്‍നിന്നുള്ള നിരവധി താരങ്ങളും ഈ ഷെഡ്യൂളിന്റെ ഭാഗമാകും.
മമ്മൂട്ടിക്കമ്പനിയാണ് ചിത്രം നിര്‍മ്മിക്കുന്നത്. വേഫേറര്‍ ഫിലിംസിനാണ് വിതരണാവകാശം.
Recent Comments