മമ്മൂട്ടിയെ നായകനാക്കി ബി. ഉണ്ണികൃഷ്ണന്‍ സംവിധാനം ചെയ്യുന്ന പുതിയ സിനിമയുടെ ചിത്രീകരണം ആരംഭിച്ചു. ആര്‍.ഡി. ഇലുമിനേഷന്‍സിന്റെ ബാനറില്‍ ബി. ഉണ്ണികൃഷ്ണനാണ് ചിത്രം നിര്‍മ്മിക്കുന്നത്. ഉദയകൃഷ്ണയാണ് തിരക്കഥയൊരുക്കുന്നത്. ഒരു ത്രില്ലര്‍ ചിത്രമാണ്. ഇതില്‍ ഒരു പോലീസ് ഓഫീസറുടെ വേഷമാണ് മമ്മൂട്ടിക്ക്.
പ്രശസ്ത തെന്നിന്ത്യന്‍ താരം വിനയ് റായ് ആണ് മമ്മൂട്ടിയുടെ പ്രതിനായകനായി എത്തുന്നത്. വിനയ് റായ് അഭിനയിക്കുന്ന ആദ്യ മലയാള ചിത്രംകൂടിയാണിത്. സ്‌നേഹ, അമലപോള്‍, ഐശ്വര്യ ലക്ഷ്മി എന്നിവരാണ് നായികമാര്‍. ഷൈന്‍ ടോം ചാക്കോ, ദിലീഷ് പോത്തന്‍, സിദ്ധിഖ്, ജിനു എബ്രഹാം തുടങ്ങി നിരവധി താരങ്ങളോടൊപ്പം മുപ്പത്തിയഞ്ചോളം പുതുമുഖങ്ങളും അഭിനയിക്കുന്നു. എറണാകുളവും വണ്ടിപെരിയാറുമാണ് പ്രധാന ലൊക്കേഷനുകള്‍.
ഓപ്പറേഷന്‍ ജാവ ഒരുക്കിയ ഫൈസ് സിദ്ധിക്കാണ് ഛായാഗ്രാഹകന്‍. സംഗീതം ജസ്റ്റിന്‍ വര്‍ഗീസ്, എഡിറ്റിംഗ് മനോജ്, കലാ സംവിധാനം ഷാജി നടുവില്‍ വസ്ത്രാലങ്കാരം പ്രവീണ്‍ വര്‍മ്മ, ചമയം ജിതേഷ് പൊയ്യ, പ്രൊഡക്ഷന്‍ കണ്‍ട്രോളര്‍ അരോമ മോഹന്‍, പി.ആര്‍.ഒ പി.ശിവപ്രസാദ് & നിയാസ് നൗഷാദ്, സ്റ്റില്‍സ് നവീന്‍ മുരളി.
Recent Comments