മെഗാസ്റ്റാര്‍ മമ്മൂട്ടിയുടെ നായികയായി തമിഴ് താരം ജ്യോതിക മലയാളത്തിലേക്ക് എത്തുന്ന ഏറ്റവും പുതിയ ചിത്രമാണ് കാതല്‍. മമ്മൂട്ടി കമ്പനി നിര്‍മ്മിക്കുന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തുവിട്ടിരിക്കുകയാണ്. നിറപുഞ്ചിരിയോടെ മമ്മൂട്ടിയും ജ്യോതികയും വീടിന്റെ ഉമ്മറത്ത് ഇരിക്കുന്ന മനോഹരമായ പോസ്റ്ററാണ് റിലീസ് ചെയ്തത്. കിലോമീറ്റേഴ്സ് ആന്‍ഡ് കിലോമീറ്റേഴ്സ്, ദി ഗ്രേറ്റ് ഇന്ത്യന്‍ കിച്ചന്‍ തുടങ്ങിയ ചിത്രങ്ങള്‍ ഒരുക്കിയ ജിയോ ബേബിയാണ് കാതലിന്റെ ഒരുക്കുന്നത് സംവിധായകൻ. ആദര്‍ശ് സുകുമാരന്‍, പോള്‍സണ്‍ സ്‌കറിയ എന്നിവര്‍ ചേര്‍ന്ന് തിരക്കഥ ഒരുക്കുന്ന ചിത്രത്തില്‍ ജോര്‍ജ് സെബാസ്റ്റ്യന്‍ നിര്‍മാണ പങ്കാളിയാണ്. കഴിഞ്ഞ ദിവസം ജ്യോതികയുടെ ഭര്‍ത്താവും തമിഴ് സൂപ്പര്‍താരവുമായ സൂര്യ ചിത്രത്തിന്റെ ലോക്കേഷനില്‍ എത്തിയിരുന്നു.
കാതലില്‍ ലാലു അലക്‌സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദര്‍ശ് സുകുമാരന്‍ തുടങ്ങിയവരും പ്രധാന വേഷങ്ങളില്‍ അഭിനയിക്കുന്നുണ്ട്. സാലു കെ തോമസാണ് ഛായാഗ്രഹണം നിര്‍വഹിക്കുന്നത്. എഡിറ്റിംഗ് ഫ്രാന്‍സിസ് ലൂയിസ്, മ്യൂസിക് മാത്യൂസ് പുളിക്കന്‍, ആര്‍ട്ട് ഷാജി നടുവില്‍, പ്രൊഡക്ഷന്‍ കണ്‍ട്രോളര്‍ ഡിക്‌സന്‍ പൊടുത്താസ്, ലൈന്‍ പ്രൊഡ്യൂസര്‍ സുനില്‍ സിംഗ്, സൗണ്ട് ഡിസൈന്‍ ടോണി ബാബു MPSC, ഗാനരചന അലീന, കോസ്റ്റ്യൂംസ് സമീറ സനീഷ്, മേക്കപ്പ് അമല്‍ ചന്ദ്രന്‍, കോ-ഡയറക്ടര്‍ അഖില്‍ അനന്തന്‍, ചീഫ് അസോസിയേറ്റ് ഡയറക്ടേഴ്സ് മാര്‍ട്ടിന്‍ എന്‍ ജോസഫ്, കുഞ്ഞില മസിലാമണി, സ്റ്റില്‍സ് ലെബിസണ്‍ ഗോപി, പിആര്‍ഒ പ്രതീഷ്, ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍, വിഷ്ണു സുഗതന്‍, ഡിസൈന്‍ ആന്റണി സ്റ്റീഫന്‍ എന്നിവരാണ് അണിയറ പ്രവര്‍ത്തകര്‍.
Recent Comments