മമ്മൂട്ടിയും പാര്‍വതി തിരുവോത്തും പ്രധാന വേഷത്തില്‍ എത്തുന്ന പുതിയ ചിത്രമാണ് പുഴു. നവാഗതയായ രത്തീന സംവിധാനം ചെയ്യുന്ന ചിത്രത്തിന്റെ ആദ്യ പോസ്റ്റര്‍ സോഷ്യല്‍ മീഡിയയില്‍ വലിയ ശ്രദ്ധ പിടിച്ചുപറ്റിയിരിന്നു. നിലവില്‍ ചിത്രത്തിന്റെ രണ്ടാം പോസ്റ്റര്‍ പുറത്ത് വിട്ടിരിക്കുകയാണ് അണിയറക്കാര്‍. വളരെ വ്യത്യസ്തത നിറഞ്ഞ പോസ്റ്ററില്‍ മമ്മൂട്ടി, പാര്‍വതി, മാസ്റ്റര്‍ വാസുദേവ് സതീഷ് എന്നിവരെ കാണാന്‍ സാധിക്കും. കൂടാതെ വന്‍ താരനിര തന്നെ ഈ ത്രില്ലര്‍ ചിത്രത്തില്‍ അണിനിരക്കുന്നു.
മമ്മൂട്ടിയും പാര്‍വ്വതിയും ആദ്യമായി ഒന്നിക്കുന്ന ഈ ചിത്രം നിര്‍മ്മിക്കുന്നത് സിന്‍-സില്‍ സെല്ലുല്ലോയ്ഡിന്റെ ബാനറില്‍ എസ്. ജോര്‍ജ്ജാണ്.
പേരന്‍മ്പ്, കര്‍ണ്ണന്‍, അച്ചം എന്‍മ്പതു മതമേയ്യടാ, പാവ കഥൈകള്‍ എന്നീ ചിത്രങ്ങളുടെ ഛായാഗ്രാഹകനായ തേനി ഈശ്വറാണ് ക്യാമറ കൈകാര്യം ചെയ്തിരിക്കുന്നത്.
ചിത്രത്തിന്റ കഥ ഹര്‍ഷദും തിരക്കഥ ഷര്‍ഫുവും ആണ് ഒരുക്കിയിരിക്കുന്നത്. റെനിഷ് അബ്ദുള്‍ഖാദര്‍, രാജേഷ് കൃഷ്ണ, ശ്യാം മോഹന്‍ എന്നിവരാണ് എക്‌സിക്യൂട്ടീവ് പ്രൊഡ്യൂസേഴ്‌സ്. എഡിറ്റ് – ദീപു ജോസഫ്, ജെയ്കസ് ബിജോയ് സംഗീതവും നിര്‍വ്വഹിക്കുന്നു.
മനു ജഗദാണ് ആര്‍ട്ട് ഡയറക്ഷന്‍ നിര്‍വ്വഹിക്കുന്നത്. വിഷ്ണു ഗോവിന്ധും, ശ്രീശങ്കറും ചേര്‍ന്നാണ് സൗണ്ട് ഡിസൈന്‍ , പ്രൊജക്റ്റ് ഡിസൈന്‍- ബാദുഷ, പബ്ലിസിറ്റി ഡിസൈന്‍സ്- ആനന്ദ് രാജേന്ദ്രന്‍. വസ്ത്രാലങ്കാരം സമീറ സനീഷ്,
സ്റ്റില്‍സ് – രോഹിത് കെ സുരേഷ്. അമല്‍ ചന്ദ്രനും, എസ്. ജോര്‍ജ്ജും ചേര്‍ന്നാണ് മേക്കപ്പ്. ദുല്‍ഖര്‍ സല്‍മാന്റെ വേഫേറര്‍ ഫിലിംസാണ് വിതരണം.
Recent Comments