മൂന്ന് ദിവസം മുമ്പാണ് കാതല്‍ എന്ന സിനിമയിലെ തന്റെ വര്‍ക്കുകള്‍ പൂര്‍ത്തിയാക്കി മമ്മൂട്ടി മടങ്ങിയത്. ചിത്രത്തില്‍ നായികയായി അഭിനയിക്കുന്ന ജ്യോതികയുടെ പോര്‍ഷനുകളും ഇന്നത്തോടെ അവസാനിച്ചു. ഇന്നുതന്നെ അവര്‍ ചെന്നൈയിലേയ്ക്ക് മടങ്ങും. യാത്ര പറയുന്നതിന് മുമ്പ് യൂണിറ്റ് അംഗങ്ങള്‍ക്ക് മുഴുവനും അവര്‍ നന്ദി അറിയിച്ചു. ഇത്രയും എന്‍ജോയ് ചെയ്ത മറ്റൊരു സെറ്റ് വേറെ ഉണ്ടായിട്ടില്ലെന്നും അവര്‍ പറഞ്ഞു.
ജ്യോതിക ചെന്നൈയിലേയ്ക്ക് മടങ്ങാനിരിക്കെ, ഇന്ന് മമ്മൂട്ടി ഭാര്യ സുല്‍ഫത്തിനൊപ്പം ദുബായിലെത്തി. അവിടെനിന്ന് അവര്‍ ഓസ്‌ട്രേലിയയിലേയ്ക്ക് പോകും. വെക്കേഷന്‍ ട്രിപ്പിനെത്തിനെത്തിയതാണ് ഇരുവരും.
ജിയോബേബി സംവിധാനം ചെയ്യുന്ന കാതലിന്റെ രണ്ട് ദിവസത്തെ വര്‍ക്കുകള്‍ കൂടിയാണ് ഇനി അവശേഷിക്കുന്നത്. നിലവില്‍ എറണാകുളത്ത് കാതലിന്റെ ഷൂട്ടിംഗ് പുരോഗമിക്കുകയാണ്.
Recent Comments