കല്‍ക്കിയുടെ വിശ്വപ്രസിദ്ധമായ ചരിത്ര നോവലിനെ ആധാരമാക്കി മണിരത്‌നം സംവിധാനം ചെയ്യുന്ന ‘പൊന്നിയിന്‍ സെല്‍വ’ന്റെ റീലീസ് തിയതി പ്രഖ്യാപിച്ചു. ആദ്യ ഭാഗമായ ‘പൊന്നിയിന്‍ സെല്‍വന്‍-1’ 2022 സെപ്റ്റംബര്‍ 30-ന് പ്രദര്‍ശനത്തിനെത്തും. മണിരത്‌നത്തിന്റെ നിര്‍മ്മാണ കമ്പനിയായ മദ്രാസ് ടാക്കീസും ലൈക്ക പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിച്ചിക്കുന്നത്. രണ്ട് ഭാഗങ്ങളാണ് ചിത്രത്തിനുള്ളത്.
പത്താം നൂറ്റാണ്ടിലെ ചോഴ ചക്രവര്‍ത്തിമാര്‍ക്ക് നേരിടേണ്ടി വന്ന വന്‍ പ്രതിസന്ധികളും അവരുടെ പോരാട്ടവീര്യങ്ങളും നിറഞ്ഞതാണ് സിനിമ. വിക്രം, ജയംരവി, കാര്‍ത്തി, റഹ്‌മാന്‍, പ്രഭു, ശരത് കുമാര്‍, ജയറാം, പ്രകാശ് രാജ്, ലാല്‍, വിക്രം പ്രഭു, പാര്‍ത്ഥിപന്‍, ബാബു ആന്റണി, അശ്വിന്‍ കാകുമാനു, റിയാസ് ഖാന്‍, ഐശ്വര്യാ റായ് ബച്ചന്‍, തൃഷ, ശോഭിതാ ദുലിപാല, ജയചിത്ര തുടങ്ങി ഒട്ടേറേ അഭിനേതാക്കള്‍ ചിത്രത്തിലുണ്ട്. എ.ആര്‍. റഹ്‌മാനാണ് സംഗീതസംവിധായകന്‍. വാര്‍ത്താപ്രചരണം സി.കെ.അജയ് കുമാര്‍.
Recent Comments