മഞ്ജു വിഷ്ണു, ബോളിവുഡ് താരം സണ്ണി ലിയോണ്‍, പായല്‍ രജ്പുത് എന്നിവരെ പ്രധാന കഥാപാത്രങ്ങളാക്കി സൂര്യ സംവിധാനം ചെയ്യുന്ന ‘ ജിന്നയുടെ ഒഫീഷ്യല്‍ ടീസര്‍ റീലീസായി. എവിഎ എന്റര്‍ടെയിന്‍മെന്റ്, ട്വന്റി ഫോര്‍ ഫ്രെയിംസ് ഫാക്ടറി എന്നിവയുടെ ബാനറില്‍ മഞ്ജു വിഷ്ണു നിര്‍മ്മിച്ച് ഡോ എം മോഹന്‍ ബാബു അവതരിപ്പിക്കുന്ന ‘ജിന്ന’ ഇതിനോടകം തന്നെ പ്രേക്ഷകരില്‍ ഏറേ ആവേശമുയര്‍ത്തി കഴിഞ്ഞു.
‘ജിന്ന’യ്ക്ക് ഒരു വലിയ ചരിത്രം പറയാനുണ്ടെന്ന് നിര്‍മ്മാതാവും എഴുത്തുകാരനുമായ കോന വെങ്കട്ട് പറഞ്ഞു.
‘സ്‌നേഹം ഒരു സാര്‍വത്രിക ഭാഷയാണെന്ന് വളരെയധികം ഞാന്‍ മനസ്സിലാക്കുന്നു.ഈ സിനിമയിലെ മുഴുവന്‍ ടീമും ഒരു കുടുംബം പോലെയായിരുന്നു എന്നത് അത്ഭുതകരമായിരുന്നു. അത്തരമൊരു അനുഭവം മുമ്പ് എനിക്കുണ്ടായിട്ടില്ല. എല്ലാവരും വളരെ കഠിനാധ്വാനം ചെയ്തിട്ടുണ്ട്. സൗത്ത് ഇന്‍ഡസ്ട്രി എന്നോട് വളരെയേറേ സ്‌നേഹം പ്രകടിപ്പിക്കുന്നുണ്ട്. വരും വര്‍ഷങ്ങളിലും ഞാന്‍ കൂടുതല്‍ സിനിമകള്‍ ചെയ്യുമെന്ന് പ്രതീക്ഷിക്കാം’ സണ്ണി ലിയോണിന്റെ വാക്കുകള്‍.
‘ജിന്ന എന്റെ ഹൃദയത്തോട് വളരെ അടുത്താണ്. ടീസറില്‍ പ്രേക്ഷകര്‍ കണ്ടത് ഒരു മഞ്ഞുമലയുടെ ഒരു നുറുങ്ങ് മാത്രമാണ്. സിനിമ നിങ്ങളുടെ ഹൃദയത്തെയും ആത്മാവിനെയും സ്പര്‍ശിക്കും’ പായല്‍ രജ്പുത് പറഞ്ഞു.
‘പ്രേക്ഷകര്‍ക്ക് വേണ്ടിയാണ് ഞങ്ങള്‍ നടന്മാര്‍ സിനിമ ചെയ്യുന്നത്. സിനിമ കാണാന്‍ തിയേറ്ററുകളില്‍ എത്തുന്ന പ്രേക്ഷകരില്ലെങ്കില്‍ നമ്മള്‍ അഭിനേതാക്കളല്ല. ‘ജിന്ന’ എന്റെ ഹൃദയത്തോട് വളരെ അടുത്താണ്. ചെയ്യുന്ന ഓരോ സിനിമയ്ക്കും വേണ്ടി ഞങ്ങള്‍ കഠിനാധ്വാനം ചെയ്യാറുണ്ട്, എന്നാല്‍ ‘ജിന്ന’യ്ക്ക് കൂടുതല്‍ പ്രാധാന്യമുണ്ടെനിക്ക്. അതില്‍ പ്രധാനപ്പെട്ട കാര്യം, എന്റെ പ്രിയപ്പെട്ട പെണ്‍മക്കള്‍ ‘അരിയാനയും വിവിയാനയും അവരുടെ ശബ്ദം നല്‍കി സിനിമയില്‍ അഭിനയിച്ചുവെന്നതാണ്. ‘ജിന്ന’യ്ക്ക് അസാധാരണമായ കോമഡിയുണ്ട്. ബിഗ് സ്‌ക്രീനില്‍ പ്രേക്ഷകര്‍ക്ക് ഒരു ദൃശ്യ വിരുന്നായിരിക്കും ‘ജിന്ന’ ‘ മഞ്ജു വിഷ്ണു പറഞ്ഞു.
ഛായാഗ്രഹണം ചോട്ടാ കെ നായിഡു, സംഗീതം അനൂപ് റൂബന്‍സ്, എഡിറ്റിംഗ് ചോട്ടാ കെ പ്രസാദ്. ഒരു പാന്‍ ഇന്ത്യന്‍ സിനിമയായ ‘ ജിന്ന’ മലയാളത്തിലും ഉടന്‍ പ്രദര്‍ശനത്തിനെത്തും.
പിആര്‍ഒ എഎസ് ദിനേശ്, ശബരി.
Recent Comments