അഞ്ചാം പാതിരാ, കുമ്പളങ്ങി നൈറ്റ്‌സ്, മഹേഷിന്റെ പ്രതികാരം തുടങ്ങി നിരവധി ഹിറ്റ് സിനിമകളുടെ എഡിറ്റര്‍ സൈജു ശ്രീധരന്‍ ആദ്യമായി സംവിധാനം ചെയ്യുന്ന സിനിമയില്‍ മഞ്ജു വാര്യര്‍ കേന്ദ്ര കഥാപാത്രമായി എത്തുന്നു. ഫൗണ്ട് ഫൂട്ടേജ് എന്ന മേക്കിംഗ് രീതിയാണ് സിനിമയില്‍ ഉപയോഗിക്കുന്നത്. മലയാളത്തില്‍ ആദ്യമായിട്ടാണ് ഈത്തരത്തില്‍ ഒരു സിനിമ വരുന്നത്. സൈജു ശ്രീധരന്‍ ശബ്‌ന മുഹമ്മദ് എന്നിവര്‍ ചേര്‍ന്നാണ് ചിത്രത്തിന്റെ രചന നിര്‍വഹിക്കുന്നത്. സൈജു ശ്രീധരന്‍ തന്നെയാണ് സിനിമയുടെ എഡിറ്റര്‍. മഞ്ജു വാര്യരെ കൂടാതെ മാമുക്കോയ നഞ്ചിയമ്മ തുടങ്ങിയ പ്രശസ്ത താരങ്ങള്‍ അഭിനയിക്കുന്നു. സുഷിന്‍ ശ്യാം സംഗീതവും പശ്ചാത്തല സംഗീതവും ഒരുക്കുന്നു.
മൂവി ബക്കറ്റ്, പെയില്‍ ബ്ലു ഡോട്ട് ഫിലിംസ്, കാസ്റ്റ് എന്‍ കോ എന്റര്‍ടെയ്ന്‍മെന്റ്‌സ്, എന്നീ ബാനറില്‍ ബിനീഷ് ചന്ദ്രന്‍ സൈജു ശ്രീധരന്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. കോ പ്രൊഡ്യുസര്‍- രാഹുല്‍ രാജീവ്, സുരാജ് മേനോന്‍, ആര്‍ട്ട് ഡയറക്ടര്‍- അപ്പുണ്ണി സാജന്‍, കോസ്റ്റ്യൂംസ്-സമീറ സനീഷ്, ചമയം- റോണക്‌സ് സേവ്യര്‍, സ്റ്റണ്ട്-ഇര്‍ഫാന്‍ അമീര്‍, കണ്‍ട്രോളര്‍-കിഷോര്‍ പുറക്കാട്ടിരി. തൊടുപുഴയിലും പരിസരപ്രദേശങ്ങളിലായിട്ടാണ് സിനിമയുടെ ഷൂട്ടിംഗ്. പിആര്‍ഒ-എ.എസ് ദിനേശ്.
Recent Comments