നവാഗതനായ സലാം ബുഖാരി അദ്യമായി സംവിധാനം ചെയ്യുന്ന ചിത്രത്തിന്റെ ഷൂട്ടിങ്ങ് കട്ടപ്പനയില്‍ ആരംഭിച്ചു. ദീര്‍ഘകാലം അന്‍വര്‍ റഷീദിന്റെ അസോസിയേറ്റായിരുന്നു സലാ ബുഖാരി. മാത്യു തോമസാണ് നായകന്‍.
ചെമ്പന്‍ വിനോദ് ജോസ്, ദിലീഷ് പോത്തന്‍, സിദ്ധിഖ്, അശോകന്‍, ശ്രീനാഥ് ഭാസി, സുദേവ് നായര്‍ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. ഷൂട്ടിങ്ങിന് മുന്നോടിയായി നടന്ന ലളിതമായ പൂജ ചടങ്ങില്‍ സലാം ബുഖാരിയുടെ ഗുരുസ്ഥാനിയന്‍ കൂടിയായ അന്‍വര്‍ റഷീദാണ് ഭദ്രദീപം കൊളുത്തിയത്.
ചിത്രത്തിന്റെ ടൈറ്റില്‍ വൈകാതെ പ്രഖ്യാപിക്കും. കട്ടപ്പനയിലെ ഒറ്റ ഷെഡ്യുളില്‍ തന്നെ ചിത്രീകരണം പൂര്‍ത്തിയാകും. വിഷ്ണു തണ്ടാശ്ശേരിയാണ് ഛായാഗ്രാഹകന്‍. വിനായക് ശശികുമാറിന്റെ വരികള്‍ക്ക് ഗോപി സുന്ദര്‍ സംഗീതം നല്‍കുന്നു.
അഷര്‍ അമീര്‍, റിയാസ് കെ മുഹമ്മദ്, സലാം ബുഖാരി എന്നിവരാണ് നിര്‍മ്മാതാക്കള്‍. എക്‌സിക്യൂട്ടീവ് പ്രൊഡ്യൂസേര്‍സ് നിയാസ് ഷിഹാബുദീന്‍ പി.എ, തിരക്കഥ അലന്‍ റോഡ്‌നി, പ്രൊഡക്ഷന്‍ കണ്‍ട്രോളര്‍ വിനോദ് ശേഖര്‍, കലാസംവിധായകന്‍ പ്രശാന്ത് മാധവ്, കോസ്റ്റ്യൂം സമീറ സനീഷ്, മേക്കപ്പ് റോണക്‌സ് സേവിയര്‍, ഫൈറ്റ് മാസ്റ്റര്‍ സുപ്രിം സുന്ദര്‍, മാഫിയ ശശി, ശബ്ദം വിക്കി, ചീഫ് അസോസിയേറ്റ് മനീഷ് ഭാര്‍ഗവന്‍.
Recent Comments