ബിജുമേനോന്‍-ആസിഫ് അലി കൂട്ടുകെട്ടില്‍ ജിസ് ജോയ് സംവിധാനം ചെയ്ത തലവന്‍ വിജയകരമായി പ്രദര്‍ശനം തുടരുകയാണ്. ഈ വെള്ളിയാഴ്ചയോടെ കൂടുതല്‍ തീയേറ്ററുകളില്‍ പ്രദര്‍ശനം ആരംഭിക്കുന്ന ചിത്രത്തിന്റെ വിജയാഘോഷത്തില്‍ പങ്കുചേര്‍ന്നിരിക്കുകയാണ് മന്ത്രി വിഎന്‍ വാസവന്‍.
തലവന്‍ ടീമിനൊപ്പം മന്ത്രി വിഎന്‍ വാസവനും വിജയാഘോഷച്ചടങ്ങില്‍ പങ്കുചേര്‍ന്ന ചിത്രം സമൂഹമാധ്യമങ്ങളില്‍ ഷെയര്‍ ചെയ്തത് ചിത്രത്തിന്റെ അണിയറപ്രവര്‍ത്തകര്‍ തന്നെയാണ്. രണ്ടാംവാരത്തിലെത്തി നില്‍ക്കുമ്പോഴും മികച്ച കളക്ഷനും പ്രേക്ഷകാഭിപ്രായവുമാണ് ചിത്രത്തിന് ലഭിച്ചുകൊണ്ടിരിക്കുന്നത്.
രണ്ട് വ്യത്യസ്ത റാങ്കിലുള്ള പോലീസ് ഓഫീസര്‍മാരുടെ ഇടയിലുണ്ടാകുന്ന പ്രശ്‌നങ്ങളാണ് തലവന്‍ പ്രേക്ഷകര്‍ക്ക് മുന്നില്‍ അവതരിപ്പിക്കുന്നത്. അരുണ്‍ നാരായണ്‍ പ്രൊഡക്ഷന്‍സിന്റെയും ലണ്ടന്‍ സ്റ്റുഡിയോസിന്റെയും ബാനറുകളില്‍ അരുണ്‍ നാരായണന്‍, സിജോ സെബാസ്റ്റിയന്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
ബിജുമേനോന്‍, ആസിഫ് അലി എന്നിവരെ കൂടാതെ അനുശ്രീ, മിയ, ദിലീഷ് പോത്തന്‍, കോട്ടയം നസീര്‍, ശങ്കര്‍ രാമകൃഷ്ണന്‍, ജോജി കെ. ജോണ്‍, ദിനേശ്, അനുരൂപ്, നന്ദന്‍ ഉണ്ണി, ബിലാസ് തുടങ്ങിയവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
ഛായാഗ്രഹണം ശരണ്‍ വേലായുധന്‍, എഡിറ്റിംഗ് സൂരജ് ഇഎസ്, കലാസംവിധാനം അജയന്‍ മങ്ങാട്, സംഗീതം & പശ്ചാത്തല സംഗീതം ദീപക് ദേവ്, സൗണ്ട് രംഗനാഥ് രവി, മേക്കപ്പ് റോണക്‌സ് സേവ്യര്‍, കോസ്റ്റിയൂം ജിഷാദ്, ചീഫ് അസോസിയേറ്റ് ഡയറക്ടര്‍ സാഗര്‍, അസോസിയേറ്റ് ഡയറക്ടേഴ്‌സ് ഫര്‍ഹാന്‍സ് പി ഫൈസല്‍, അഭിജിത്ത് കെ.എസ്., പ്രൊഡക്ഷന്‍ മാനേജര്‍ ജോബി ജോണ്‍, പ്രൊഡക്ഷന്‍ എക്‌സിക്യൂട്ടീവ് ഷെമീജ് കൊയിലാണ്ടി, പ്രൊഡക്ഷന്‍ കണ്‍ട്രോളര്‍ ആസാദ് കണ്ണാടിക്കല്‍, പിആര്‍ഒ വാഴൂര്‍ ജോസ്, ആതിര ദില്‍ജിത്ത്, ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍.
Recent Comments