സ്ത്രീകളോട് മോശമായി പെരുമാറുകയും ലൈംഗികാതിക്രമം നടത്തുകയും ചെയ്തുവെന്ന ആരോപണത്തില്‍ കുരുങ്ങി നടന്‍ ജോണ്‍ വിജയ്. ഏതാനും സ്ത്രീകള്‍ ജോണ്‍ വിജയ്‌ക്കെതിരെ നല്‍കിയ പരാതികളുടെ സ്‌ക്രീന്‍ഷോട്ടുകള്‍ ഗായിക ചിന്മയി പുറത്തുവിട്ടു. ദിവസങ്ങള്‍ക്കുമുമ്പ് അഭിമുഖമെടുക്കാന്‍ ചെന്ന് കാത്തിരിക്കവേ തന്നോട് നടന്‍ മോശമായി പെരുമാറിയെന്ന് ഒരു മാധ്യമപ്രവര്‍ത്തക സോഷ്യല്‍ മീഡിയയിലൂടെ തുറന്നുപറഞ്ഞതിന് പിന്നാലെയാണിപ്പോള്‍ ചിന്മയി സ്‌ക്രീന്‍ ഷോട്ടുകള്‍ പുറത്തു വിട്ടിരിക്കുന്നത്.
ചിന്മയില്‍ പോസ്റ്റ് ചെയ്ത ഒരു സ്‌ക്രീന്‍ഷോട്ടിലെ ഉള്ളടക്കം ഇങ്ങനെ:
‘ഈ മനുഷ്യന്‍ പൊതുജനങ്ങള്‍ക്കും ഒരു ശല്യമാണ്. ഇയാള്‍ ചെന്നൈയിലെ ക്ലബ്ബുകളിലേയും പബ്ബുകളിലേയും സ്ഥിരസന്ദര്‍ശകനാണ്. ആ സ്ഥലം ഇയാളെപ്പോലെ ചെകുത്താന്മാരെക്കൊണ്ട് നിറഞ്ഞതാണ്. നോ എന്ന വാക്കിന്റെ അര്‍ത്ഥം ഇയാള്‍ക്ക് മനസ്സിലാവില്ല. ക്ലബ്ബിന്റെ ഓരോ മൂലയിലോ സ്‌മോക്കിങ് സോണിലോ എവിടെ പോയാലും ഇയാള്‍ പിന്നാലെയുണ്ടാവും. ഒരിക്കല്‍ ശല്യം സഹിക്കവയ്യാതെ ഞാന്‍ ക്ലബ്ബിലെ ബൗണ്‍സര്‍മാരെ സഹായത്തിനു വിളിക്കും.’
After The Newsminute report about the Sexual Assault case of Malayalam cinema also mentioned John Vijay for his misdemeanour with the journalist
There are other women speaking about his behaviour in general. pic.twitter.com/AfeLgdC0lY
— Chinmayi Sripaada (@Chinmayi) July 26, 2024
ഇതാദ്യമായല്ല ജോണ്‍ വിജയ് ഇത്തരം ആരോപണങ്ങള്‍ നേരിടുന്നത്. മീ ടൂ മൂവ്‌മെന്റ് കത്തിനില്‍ക്കുന്ന സമയത്ത് ഒരു വീഡിയോ ജോക്കി ഉള്‍പ്പെടെ നിരവധി സ്ത്രീകള്‍ നടനെതിരെ ഗുരുതര ആരോപണങ്ങളുന്നയിച്ച് രംഗത്തെത്തിയിരുന്നു. തുടര്‍ന്ന് 2018 ല്‍ ജോണ്‍ വിജയ് മാപ്പപേക്ഷിച്ച് രംഗത്തെത്തുകയും ചെയ്തിരുന്നു. അതേസമയം ഈ വിവാദങ്ങള്‍ നിലനില്‍ക്കുമ്പോഴും ജോണ്‍ വിജയ് സിനിമയില്‍ സജീവമായി തുടര്‍ന്നിരുന്നു. ഓരംപോ, സര്‍പ്പാട്ട പാരമ്പരൈ, സലാര്‍ 1, ലൂസിഫര്‍, തങ്കമണി തുടങ്ങിയവയില്‍ ജോണ്‍ വിജയ് അഭിനയിച്ചിട്ടുണ്ട്.
Recent Comments