എട്ട് വര്‍ഷത്തെ ഇടവേളയ്ക്ക് ശേഷം മോഹന്‍ലാലും ജോഷിയും വീണ്ടും ഒന്നിക്കുകയാണ്. നടന്‍ ചെമ്പന്‍ വിനോദായിരിക്കും ചിത്രത്തിന്റെ തിരക്കഥ ഒരുക്കുക. ബിഗ് ബജറ്റില്‍ ഒരുക്കുന്ന ചിത്രം ഇന്ത്യയിലും വിദേശത്തുമായിട്ടായിരിക്കും ചിത്രീകരിക്കുക. ഔദ്യോഗിക സ്ഥിരീകരണം ഉടന്‍ ഉണ്ടായേക്കും.
അങ്കമാലി ഡയറീസ്, ഭീമന്റെ വഴി എന്നീ ചിത്രങ്ങള്‍ക്കു ശേഷം ചെമ്പന്‍ വിനോദ് തിരക്കഥ എഴുതുന്ന സിനിമ കൂടിയാകും ഇത്. ലൈല ഓ ലൈല എന്ന ചിത്രമാണ് മോഹന്‍ലാല്‍ജോഷി കൂട്ടുകെട്ടില് ഒടുവിലായി പുറത്തിറങ്ങിയത്. ചിത്രത്തിന് ബോക്‌സ് ഓഫിസില്‍ മികച്ച വിജയം നേടാനായില്ല. തുടര്‍ന്ന് സിനിമയില്‍ നിന്ന് ചെറിയ ഇടവേളയെടുത്ത ജോഷി 2019ല്‍ പൊറിഞ്ചു മറിയം ജോസിലൂടെ വമ്പന്‍ തിരിച്ചു വരവാണ് നടത്തിയത്.
ഇപ്പോള്‍ ജോജു ജോര്‍ജിനെ നായകനാക്കി ഒരുക്കുന്ന ആന്റണിയാണ് ജോഷിയുടേതായി ഒരുങ്ങുന്ന പുതിയ ചിത്രം. ചെമ്പന്‍ വിനോദും ചിത്രത്തില്‍ പ്രധാന വേഷത്തിലെത്തുന്നുണ്ട് .ജീത്തു ജോസഫിന്റെ ‘നേര്’ എന്ന സിനിമയുടെ ചിത്രീകരണത്തിലാണ് മോഹന്‍ലാലിപ്പോള്‍.
Recent Comments