ഹിറ്റ് ജോഡികളായ മോഹന്‍ലാലും ശോഭനയും ഒന്നിക്കുന്ന തരുണ്‍മൂര്‍ത്തി ചിത്രത്തിന്റെ പുതിയ പോസ്റ്റര്‍ പുറത്തിറങ്ങി. പോസ്റ്ററില്‍ മോഹന്‍ലാലിനെയും ശോഭനയെയുമാണ് കാണാന്‍ കഴിയുക. മോഹന്‍ലാല്‍ തന്നെയാണ് പുതിയ പോസ്റ്റര്‍ പങ്കുവച്ചിരിക്കുന്നത്. മോഹലന്‍ലാലിന്റെ കരിയറിലെ 360-ാമത്തെ ചിത്രമാണിത്. ശോഭനയാണ് നായിക.
പതിനഞ്ച് വര്‍ഷത്തിനുശേഷം മോഹന്‍ലാലും ശോഭനയും ഒന്നിക്കുന്നു എന്ന പ്രത്യേകയും ഈ ചിത്രത്തിനുണ്ട്. രജപുത്രയുടെ ബാനറില്‍ എം. രഞ്ജിത്താണ് ചിത്രം നിര്‍മ്മിച്ചിരിക്കുന്നത്.
ഒരു സാധാരണക്കാരനായ ടാക്‌സി ഡ്രൈവര്‍ ഷണ്‍മുഖത്തെയാണ് മോഹന്‍ലാല്‍ ചിത്രത്തില്‍ അവതരിപ്പിക്കുന്നത്. കുടുംബത്തെ ഏറെ സ്‌നേഹിക്കുന്ന ഒരു കുടുംബനാഥന്‍. നല്ല സുഹൃത് ബന്ധങ്ങളുള്ള, നാട്ടുകാരുടെ പ്രിയപ്പെട്ടവനായ ഒരു ടാക്‌സി ഡ്രൈവര്‍. ഇദ്ദേഹത്തിന്റെ ജീവിതം നല്‍മ്മത്തിലൂടെയും ഹൃദയസ്പര്‍ശിയായ രംഗങ്ങളിലൂടെയും അവതരിപ്പിക്കുകയാണ് ഈ ചിത്രത്തിലൂടെ.
ബിനുപപ്പു, ഫര്‍ഹാന്‍ ഫാസില്‍, മണിയന്‍പിള്ള രാജു എന്നിവര്‍ക്കൊപ്പം നിരവധി പുതുമുഖങ്ങളും ചിത്രത്തില്‍ അഭിനയിക്കുന്നു. കെ.ആര്‍. സുനിലിന്റെ കഥയ്ക്ക് തരുണ്‍ മൂര്‍ത്തിയും കെ.ആര്‍. സുനിലും ചേര്‍ന്നാണ് തിരക്കഥ ഒരുക്കിയിരിക്കുന്നത്. ചിത്രം അടുത്ത വര്‍ഷം തീയേറ്ററിലെത്തും.
Recent Comments