മലയാളത്തിനു പുറമെ ബോളിവുഡിലും കോളിവുഡിലും ടോളിവുഡിലുമെല്ലാം വലിയ സുഹൃത്ത് വലയമുള്ള താരമാണ് മോഹന്‍ലാല്‍. ‘ബ്രോ ഡാഡി’യുടെ ഷൂട്ടിംഗിന്റെ ഭാഗമായി മോഹന്‍ലാല്‍ ഇപ്പോള്‍ ഹൈദ്രബാദിലാണുള്ളത്. ചിത്രീകരണത്തിന്റ ഒഴിവുവേളയില്‍ തെലുങ്ക് താരം മോഹന്‍ ബാബുവിന്റെ വീട് സന്ദര്‍ശിച്ചരിക്കുകയാണ് മോഹന്‍ലാലും നടി മീനയും. സൗഹൃദം പുതുക്കാനുള്ള അവസരം കൂടിയായി മാറുകയായി ആ നിമിഷങ്ങള്‍. ഉള്ള് തുറന്ന് ചിരിക്കുന്ന മോഹന്‍ലാലിന്റെ ചിത്രങ്ങള്‍ നടി മീന തന്റെ ഇന്‍സ്റ്റാഗ്രാമിലൂടെ പങ്കുവെച്ചു.
മോഹന്‍ ബാബുനൊപ്പം കുടുംബവും വീട്ടിലുണ്ടായിരുന്നു. അദ്ദേഹത്തിന്റെ ഭാര്യ നിര്‍മ്മലയും മകളും നടിയുമായ ലക്ഷ്മി മഞ്ചുവും മകനും നടനുമായ വിഷ്ണു മഞ്ചുവും ഭാര്യ വിരാനിക്കയെയും അടങ്ങുന്ന കുടുംബത്തോടൊപ്പം നില്‍ക്കുന്ന മോഹന്‍ലാലിനെയും മീനയെയും ചിത്രങ്ങളില്‍ കാണാന്‍ കഴിയും.
ലെജന്ററി ഡിന്നര്‍ വിത്ത് ‘എം’സ് എന്ന ടാഗോടെ ലക്ഷ്മി മഞ്ജുവും ചിത്രങ്ങള്‍ ഇന്‍സ്റ്റാഗ്രാമില്‍ പങ്കുവെച്ചിട്ടുണ്ട്.
View this post on Instagram
ലൂസിഫറി’നു ശേഷം മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമെന്ന നിലയില്‍ പ്രഖ്യാപന സമയം മുതല്‍ വലിയ പ്രേക്ഷകശ്രദ്ധ നേടിയ ചിത്രമാണ് ‘ബ്രോ ഡാഡി’. ലൂസിഫര്‍ പൊളിറ്റിക്കല്‍ അണ്ടര്‍ടോണ്‍ ഉള്ള ആക്ഷന്‍ ചിത്രമായിരുന്നെങ്കില്‍ ബ്രോ ഡാഡി രസകരമായ ഒരു കുടുംബചിത്രമെന്നാണ് പൃഥ്വിരാജ് പറഞ്ഞത്. മോഹന്‍ലാല്‍ ടൈറ്റില്‍ റോളില്‍ എത്തുന്ന ചിത്രത്തില്‍ പൃഥ്വിരാജും ഒരു കഥാപാത്രത്തെ അവതരിപ്പിക്കുന്നുമുണ്ട്. കല്യാണി പ്രിയദര്‍ശന്‍, മീന, ലാലു അലക്‌സ്, മുരളി ഗോപി, കനിഹ, സൗബിന്‍ ഷാഹിര്‍ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ശ്രീജിത്ത് എന്‍, ബിബിന്‍ മാളിയേക്കല്‍ എന്നിവരുടേതാണ് തിരക്കഥ. ഛായാഗ്രഹണം അഭിനന്ദന്‍ രാമാനുജം. സംഗീതം ദീപക് ദേവ്.
ഷെരുണ്‍ തോമസ്
Recent Comments