41 വര്‍ഷങ്ങള്‍ക്കുശേഷം ഹോക്കിയില്‍ വെങ്കലമെഡല്‍ നേടിയ ഇന്ത്യന്‍ ഹോക്കി ടീം ക്യാപ്റ്റന്‍ ശ്രീജേഷിനെ അഭിനന്ദനമറിയിച്ച് മോഹന്‍ലാല്‍. ഇന്ന് ഉച്ചയ്ക്ക് പന്ത്രണ്ടരയോടെ ലാല്‍ നേരിട്ട് ശ്രീജേഷിനെ വിളിക്കുകയായിരുന്നു.
‘ശ്രീജേഷ് അഭിനന്ദനങ്ങള്‍, നിങ്ങളെയോര്‍ത്ത് ഞങ്ങള്‍ അഭിമാനിക്കുന്നു. നിങ്ങള്‍ വന്നിറങ്ങിയതുമുതല്‍ അറിയുന്നുണ്ടായിരുന്നു. വിളിക്കാന്‍ പലതവണ ശ്രമിച്ചിരുന്നു. പക്ഷേ കിട്ടിയില്ല. ഹൈദരാബാദിലാണുള്ളത്. കണക്ടിവിറ്റി കുറവായ സ്ഥലത്താണ് ഉള്ളത്. എപ്പോഴെങ്കിലും നേരില്‍ കാണാം.’ മോഹന്‍ലാല്‍ പറഞ്ഞു.
താങ്ക് യൂ ലാലേട്ടാ എന്ന് ഹൃദയം തുറന്നുള്ള മറുപടിയാണ് ശ്രീജേഷ് തിരിച്ചുനല്‍കിയത്.
ബ്രോഡാഡിയുടെ ഷൂട്ടിംഗുമായി ഇപ്പോള്‍ ഹൈദരാബാദിലാണ് ലാല്‍ ഉള്ളത്.
ഇന്ന് രാവിലെ നടന്‍ മമ്മൂട്ടിയും ശ്രീജേഷിനെ വീട്ടില്‍ ചെന്നുകണ്ട് അഭിനന്ദനങ്ങള്‍ അറിയിച്ചിരുന്നു.
Recent Comments