മോഹന്‍ലാല്‍ നായകനായി എത്തുന്ന പുതിയ ചിത്രമാണ് ബറോസ്. മോഹന്‍ലാല്‍ തന്നെയാണ് ചിത്രം സംവിധാനം ചെയ്തിരിക്കുന്നത്. താരത്തിന്റെ പ്രഥമ സംവിധാന ചിത്രംകൂടിയാണിത്. ചിത്രത്തിന്റെ ആനിമേറ്റഡ് സീരീസ് അടുത്തിടെ പുറത്തിറക്കിയിരുന്നു. കുട്ടികളെ ആകര്‍ഷിക്കുന്നതായിരുന്നു ആനിമേറ്റഡ് സീരീസ്. ഇപ്പോഴിതാ ആനിമേറ്റഡ് സീരീസിന്റെ രണ്ടാം ഭാഗം പുറത്തിറങ്ങിയിരിക്കുകയാണ്.
ടി.കെ. രാജീവ് കുമാറിന്റേതാണ് സീരീസിന്റെ ആശയം. ഈ ആനിമേറ്റഡ് സീരീസ് സംവിധാനം ചെയ്തിരിക്കുന്നത് സുനില്‍ നമ്പുവാണ്.
മോഹന്‍ലാല്‍ നായകനാകുന്ന ഒരു ഫാന്റസി ചിത്രമായിരിക്കും ബറോസ്. ത്രീഡിയില്‍ പുറത്തിറങ്ങുന്ന ചിത്രത്തിന്റെ ഛായാഗ്രഹം നിര്‍വ്വഹിച്ചിരിക്കുന്നത് സന്തോഷ് ശിവനാണ്. ജിജോ പുന്നൂസിന്റേതാണ് കഥ. മാര്‍ക്ക് കില്യനും ലിഡിയന്‍ നാദസ്വരവുമാണ് സംഗീതം കൈകാര്യം ചെയ്തിരിക്കുന്നത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിച്ചിരിക്കുന്നത്.
മോഹന്‍ലാനെ നായകനാക്കി രജപുത്ര നിര്‍മ്മിക്കുന്ന ചിത്രമാണ് എല്‍ 360. തരുണ്‍മൂര്‍ത്തിയാണ് ചിത്രം സംവിധാനം ചെയ്യുന്നത്. നടി ശോഭനയാണ് നായിക. തരുണ്‍ മൂര്‍ത്തിയും സനിലും ചേര്‍ന്നാണ് ചിത്രത്തിന് തിരക്കഥ എഴുതിയിരിക്കുന്നത്.
Recent Comments