റേഞ്ച് റോവറിന്റെ ഏറ്റവും പുതിയ മോഡലായ ആട്ടോബയോഗ്രഫി സ്വന്തമാക്കി നടന്‍ മോഹന്‍ലാല്‍. നാല് കോടി രൂപയാണ് വണ്ടിവില. മൂന്ന് മാസം മുമ്പാണ് ലാല്‍ ഈ വാഹനം ബുക്ക് ചെയ്തത്. മലൈക്കോട്ടൈ വാലിബന്റെ ഷൂട്ടിംഗുമായി ബന്ധപ്പെട്ട് രാജസ്ഥാനിലായിരുന്നതിനാല്‍ വണ്ടി ഏറ്റുവാങ്ങാന്‍ കഴിഞ്ഞിരുന്നില്ല. ഇന്ന് രാവിലെ പത്തരയോടെ ലാലിന്റെ കുണ്ടന്നൂരുള്ള ഫ്‌ളാറ്റിലെത്തി ഷോറൂം അധികൃതര്‍ കൈമാറുകയായിരുന്നു. ഭാര്യ സുചിത്ര, നിര്‍മ്മാതാവ് ആന്റണി പെരുമ്പാവൂര്‍, ചീഫ് അക്കൗണ്ടന്റും സുഹൃത്തുമായ സനല്‍കുമാര്‍, സമീര്‍ ഹംസ എന്നിവരും ചടങ്ങിന് സാക്ഷികളായി.
റേഞ്ച് റോവറിന്റെ ലോങ് വീല്‍ ബെയ്‌സ് വേരിയന്റിലുള്ളതാണ് ഈ വാഹനം. 3.39 കോടിയാണ് വണ്ടിയുടെ ഷോറൂം വില. നിരത്തിലിറങ്ങുമ്പോള്‍ നാല് കോടിയോളം രൂപ വില വരും.
Recent Comments