ആരാധകര്‍ ഏറെ ആകാംക്ഷയോടെ കാത്തിരിക്കുന്ന മോഹന്‍ലാല്‍ ചിത്രമായ ‘നെയ്യാറ്റിന്‍കര ഗോപന്റെ ആറാട്ടി’ന്റെ ഒഫീഷ്യല്‍ പോസ്റ്റര്‍ പുറത്തിറങ്ങി. കറുത്ത ഷര്‍ട്ടും മുണ്ടും ധരിച്ച് കളരി ചുവടില്‍ ഇരിക്കുന്ന മോഹന്‍ലാലിന്റെ പോസ്റ്റര്‍ സമൂഹമാധ്യമങ്ങളില്‍ തരംഗമായി. ചിത്രത്തില്‍ താരം ഉപയോഗിക്കുന്ന 2255 എന്ന നമ്പര്‍ പ്ലേറ്റുള്ള കറുത്ത വിന്റേജ് ബെന്‍സ് കാറിന്റെ പശ്ചാത്തലത്തിലാണ് ലാലിന്റെ ആക്ഷന്‍. ലാല്‍ തന്റെ ഒഫീഷ്യല്‍ പേജിലൂടെ പുറത്ത ചിത്രം ആരാധകര്‍ ആഘോഷപൂര്‍വ്വം ഏറ്റെടുത്തിരിക്കുകയാണ്. തീയേറ്ററുകളെ പൂരപ്പറമ്പാക്കാന്‍ ഇതില്‍ക്കൂടുതല്‍ മറ്റൊന്നില്ല എന്നായിരുന്നു ഒരു ആരാധകന്റെ കമന്റ്.
ഉദയകൃഷ്ണ തിരക്കഥയെഴുതി ബി. ഉണ്ണികൃഷ്ണന്‍ സംവിധാനം ചെയ്യുന്ന ചിത്രത്തില്‍ നെയ്യാറ്റിന്‍കര ഗോപന്‍ എന്ന കേന്ദ്ര കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. ശ്രദ്ധ ശീനാഥാണ് നായിക. ഒരു ഐ.എ.എസ് ഓഫീസറുടെ വേഷത്തിലാണ് ശ്രദ്ധ ശ്രീനാഥ് ഈ സിനിമയിലെത്തുന്നത്. വര്‍ഷങ്ങള്‍ക്കുശേഷം വരിക്കാശ്ശേരിമന ലൊക്കേഷനാവുന്ന ഒരു മോഹന്‍ലാല്‍ ചിത്രം എന്ന പ്രത്യേകതയും ആറാട്ടിനുണ്ട്.
നെടുമുടി വേണു, സായ് കുമാര്‍, സിദ്ദിഖ്, വിജയരാഘവന്‍, ഇന്ദ്രന്‍സ്, ജോണി ആന്റണി, ഷീല, രചന നാരായണന്‍ക്കുട്ടി, സ്വാസിക തുടങ്ങിയവരും ചിത്രത്തില്‍ അഭിനയിക്കുന്നുണ്ട്. ഒരു കോമഡി ആക്ഷന്‍ എന്റര്‍ടെയ്‌നറായിരിക്കും ചിത്രമെന്നാണ് റിപ്പോര്‍ട്ടുകള്‍.
Recent Comments