സൂപ്പര്‍സ്റ്റാര്‍ രജനികാന്തും മലയാളികളുടെ പ്രിയനടന്‍ മോഹന്‍ലാലും ഒന്നിക്കുന്നു. നെല്‍സണ്‍ സംവിധാനം ചെയ്യുന്ന ജയിലറിലാണ് ഇരുവരും ഒന്നിക്കുന്നത്. ഇപ്പോഴിതാ ചിത്രത്തിന്റെ നിര്‍മ്മാതാക്കളായ സണ്‍ പിക്‌ചേഴ്‌സ് മോഹന്‍ലാലിന്റെ കാരക്ടര്‍ലുക്ക് പുറത്തു വിട്ടിരിക്കുകയാണ്. മോഹന്‍ലാലും രജിനികാന്തും ആദ്യമായി ഒന്നിക്കുന്ന ചിത്രമാണ് ജയിലര്‍.
ചിത്രത്തില്‍ ഒരു അതിഥിവേഷമായിരിക്കും മോഹന്‍ലാലിന്റേത് എന്നാണ് പുറത്തു വരുന്ന സൂചനകള്‍. കന്നഡ താരം ശിവരാജ് കുമാറും ചിത്രത്തില്‍ മറ്റൊരു പ്രധാന വേഷത്തിലെത്തുന്നുണ്ട്.
Lalettan @mohanlal from the sets of #Jailer 🤩@rajinikanth @Nelsondilpkumar @anirudhofficial pic.twitter.com/wifqNLPyKf
— Sun Pictures (@sunpictures) January 8, 2023
മുത്തുവേല്‍ പാണ്ഡ്യന്‍ എന്ന ജയിലറുടെ വേഷമാണ് രജനികാന്ത് കൈകാര്യം ചെയ്യുന്നത്. രമ്യാകൃഷ്ണന്‍, വസന്ത് രവി, യോഗിബാബു എന്നിവരും ചിത്രത്തില്‍ അഭിനയിക്കുന്നുണ്ട്.
വിജയ് കാര്‍ത്തിക് കണ്ണന്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റിംഗ് ആര്‍. നിര്‍മല്‍ നിര്‍വ്വഹിക്കുന്നു. അനിരുദ്ധ് രവിചന്ദറാണ് സംഗീത സംവിധായകന്‍. ചിത്രം ഏപ്രില്‍ 14 ന് തീയേറ്ററുകളില്‍ പ്രദര്‍ശനത്തിനെത്തും.
Recent Comments