മോഹന്‍ലാലിന്റെ ജന്മദിനത്തോടനുബന്ധിച്ച് ഇന്ന് ബിഗ്‌ബോസ് വീട്ടിലായിരുന്നു ആഘോഷങ്ങള്‍ മുഴുവനും. ഇതാദ്യമായിട്ടാണ് ഒരു പരിപാടിക്കിടെ ലാലിന്റെ ജന്മദിനം ആഘോഷിക്കപ്പെടുന്നത്. ഈ ചടങ്ങില്‍ മുഖ്യാതിഥിയായി എത്തിയ വാള്‍ട്ട് ഡിസ്‌നി കമ്പനി ഇന്ത്യയുടെയും സ്റ്റാര്‍ ഇന്ത്യയുടെയും കണ്‍ട്രി ഹെഡ്ഡും പ്രസിഡന്റുമായ കെ. മാധവന്‍ ലാലിന് പൊന്നാട അണിയിച്ചു. കേക്ക് മുറിച്ച് മധുരം നല്‍കി. പരിപാടിയുടെ അവതാരികയായി ബിഗ്‌ബോസ് മുന്‍ മത്സരാര്‍ത്ഥി കൂടിയായ ആര്യയും എത്തി.
ബിഗ് ബോസ് വീട്ടിലെ മത്സരാര്‍ത്ഥികളും ലാലിന് ജന്മദിനാശംസകള്‍ നേര്‍ന്നു. ലാലിന്റെ സിനിമകളിലെ പാട്ടുകളും നൃത്തങ്ങളും ഏകോപിപ്പിച്ച് പ്രത്യേക പരിപാടിയും അവര്‍ അവതരിപ്പിച്ചു.
കമല്‍ഹാസന്‍, ജയറാം, വിജയ് സേതുപതി, വിവേക് ഒബ്‌റോയി, മഞ്ജുവാര്യര്‍ എന്നിവരും പ്രോഗ്രാമിനിടെ ലാലിന് ജന്മദിനാശംസകള്‍ നേര്‍ന്നു. താന്‍ വൈകാതെ ഒരു സര്‍പ്രൈസുമായി ബിഗ്‌ബോസ് ഹൗസില്‍ എത്തുമെന്ന് കമല്‍ഹാസനും ആശംസയ്ക്കിടെ പറഞ്ഞിരുന്നു.
സ്‌പെഷ്യല്‍ എപ്പിസോഡായി ഈ പരിപാടി ഇന്ന് ഏഷ്യാനെറ്റില്‍ സംപ്രേഷണം ചെയ്യും.
Recent Comments