മോഹന്‍ലാലിന്റെ കൈയക്ഷരം ഇനി ഡിജിറ്റല്‍ ഫോണ്ടില്‍ ലഭ്യമാകും. സിനിമാചരിത്രത്തില്‍ ആദ്യമായാണ് ഒരു താരത്തിന്റെ കൈയക്ഷരം ഡിജിറ്റല്‍ ഫോണ്ടായി പ്രേക്ഷകരിലേയ്ക്ക് എത്തുന്നത്. ‘A10’ എന്നായിരിക്കും ഈ ഫോണ്ട് അറിയപ്പെടുക. ലാലിന്റെ ജന്മദിനത്തോടനുബന്ധിച്ച് അദ്ദേഹത്തിനുള്ള ആദരം എന്ന നിലയിലാണ് ഏഷ്യനെറ്റ് ‘A10’ ഫോണ്ട് അവതരിപ്പിച്ചത്. ബിഗ് ബോസ് വേദിയാണ് ഈ ചരിത്ര നിമിഷത്തിന് സാക്ഷിയായത്.
ബിഗ് ബോസ് മലയാളം സീസണ്‍ 5 ന്റെ വേദിയില്‍വച്ച് മോഹന്‍ലാലിന്റെ ജന്മദിനവും ആഘോഷിച്ചു. ഡിസ്‌നി സ്റ്റാര്‍ ഇന്ത്യ കണ്‍ട്രി മാനേജരും പ്രസിഡന്റുമായ കെ. മാധവന്റെ സാന്നിദ്ധ്യത്തിലായിരുന്നു ആഘോഷപരിപാടികള്‍. ആര്യ അവതാരകയായിരുന്നു.
Recent Comments