സത്യൻ അന്തിക്കാടിൻ്റെ അടുത്ത മോഹൻലാൽ ചിത്രത്തിൽ നായികയായി ഐശ്വര്യ ലക്ഷ്മി. ഹൃദയപൂർവം എന്ന് പേരിട്ട ചിത്രം നിർമിക്കുന്നത് ആൻ്റണി പെരുമ്പാവൂരാണ് . മോഹൻലാലും ഐശ്വര്യ ലക്ഷ്മിയും ഒന്നിക്കുന്ന ആദ്യ ചിത്രം കൂടിയാണ് ഹൃദയപൂർവ്വം. സത്യൻ അന്തിക്കാട് തൻ്റെ ഫേസ്ബുക്ക് കുറിപ്പിലൂടെയാണ് വാർത്ത പുറത്ത് വിട്ടത്.
ചിന്താവിഷ്ടയായ ശ്യാമയിലൂടെ സംസ്ഥാന അവാർഡ് നേടിയ നടി സംഗീതയും ചിത്രത്തിൻ്റെ ഭാഗമാണ്. നൈറ്റ് ഷിഫ്റ്റ് എന്ന ഹിറ്റ് ഷോർട്ട് ഫിലിം ഒരുക്കിയ ടി പി സോനുവാണ് ഹൃദയപൂർവ്വത്തിന്റെ തിരക്കഥ നിർവ്വഹിക്കുന്നത്. 2015-ൽ പുറത്തിറങ്ങിയ എന്നും എപ്പോഴുമാണ് സത്യൻ അന്തിക്കാട്- മോഹൻലാൽ കൂട്ടുകെട്ടിൽ ഒടുവിൽ പുറത്തിറങ്ങിയ സിനിമ.
Recent Comments