മലയാളികളുടെ ഇഷ്ട താരം മോളി കണ്ണമാലി (ചാള മേരി) ഇംഗ്ലീഷ് ചിത്രത്തില്‍ അഭിനയിക്കുന്നു. ‘ടുമാറോ’ എന്നു പേരിട്ടിരിക്കുന്ന ചിത്രത്തിന്റെ പൂജ തിരുവനന്തപുരം മ്യൂസിയത്തില്‍ വച്ച് നാളെ രാവിലെ നടക്കും. മലയാളിയായ ജോയി കെ. മാത്യുവാണ് സംവിധായകന്‍.
രാജ്യാന്തര താരങ്ങളെ അണിനിരത്തി നിര്‍മ്മിക്കുന്ന ചിത്രമാണ് ‘ടുമാറോ’. ലോകത്തിലെ മുഴുവന്‍ ഭൂഖണ്ഡങ്ങളില്‍ നിന്നും വിവിധ രാജ്യക്കാരായ നടീനടന്മാരെ ഉള്‍പ്പെടുത്തി വ്യത്യസ്തമായ കഥകള്‍ ചേര്‍ത്ത് ഒരൊറ്റ ചലച്ചിത്രമാക്കിയാണ് ഈ ചിത്രം നിര്‍മ്മിക്കുന്നത്. ചിത്രത്തിന്റെ രചനയും നിര്‍മ്മാണവും സംവിധാനവും നിര്‍വഹിക്കുന്നത് ഓസ്‌ട്രേലിയന്‍ ചലച്ചിത്ര രംഗത്ത് പ്രവര്‍ത്തിക്കുന്ന മലയാളിയായ ജോയ് കെ. മാത്യുവാണ്.
ചിത്രത്തില്‍ മോളി കണ്ണമാലി, ടാസോ, റ്റിസ്റ്റി, ജോയ് കെ. മാത്യു, എലൈസ്, ഹെലന്‍, സാസ്‌കിയ, പീറ്റര്‍, ജെന്നിഫര്‍, ഡേവിഡ്, അലന, ജൂലി, ക്ലെം, ദീപ, റോഡ് തുടങ്ങിയവര്‍ പ്രധാന കഥാപാത്രങ്ങളായി വേഷമിടുന്നു.
ആദം കെ അന്തോണി, ജെയിംസ് ലെറ്റര്‍, സിദ്ധാര്‍ത്ഥന്‍,കാതറിന്‍, സരോജ് എന്നിവര്‍ ചേര്‍ന്നാണ് ഛായാഗ്രഹണം. എലിസബത്ത്, മേരി ബലോലോംഗ് (ചമയം), അനീറ്റ (വസ്ത്രാലങ്കാരം), (സംഗീതം), മൈക്കിള്‍ മാത്സണ്‍ (കല സംവിധാനം), ലിന്‍സണ്‍ റാഫേല്‍ (എഡിറ്റിംഗ്), നീല്‍ റേഡ് ഔട്ട് (സൗണ്ട് ഡിസൈനര്‍), ടി .ലാസര്‍ (നിര്‍മാണ നിയന്ത്രണം) പിആര്‍ഒ മഞ്ജു ഗോപിനാഥ്.
Recent Comments