പ്രജീവം മൂവീസിന്റെ ബാനറില്‍ പ്രജീവ് സത്യവൃതന്‍ നിര്‍മ്മിച്ച് ഷെബി ചൗഘട്ട് സംവിധാനം ചെയ്യുന്ന ഗ്യാങ്‌സ് ഓഫ് സുകുമാരക്കുറുപ്പ് എന്ന ചിത്രത്തിന്റെ മോഷന്‍ പോസ്റ്റര്‍ പുറത്തുവിട്ട് അണിയറക്കാര്‍. ഷാജി കൈലാസിന്റെ മകന്‍ റുഷിന്‍ ഷാജികൈലാസ് ആദ്യമായി നായകവേഷത്തിലെത്തുന്ന ചിത്രമാണിത്. സുകുമാരക്കുറുപ്പ് എന്ന ടൈറ്റില്‍ കഥാപാത്രത്തെ അവതരിപ്പിക്കുന്നത് അബു സലിമാണ്.
സൂര്യ കൃഷ്, ജോണി ആന്റണി, ടിനി ടോം, ശ്രീജിത്ത് രവി, ഇനിയ, സുജിത് ശങ്കര്‍, എബിന്‍ ബിനോ, ദിനേശ് പണിക്കര്‍, സിനോജ് വര്‍ഗീസ്, അജയ് നടരാജ്, സൂര്യ ക്രിഷ്, വൈഷ്ണവ് ബൈജു, പാര്‍വ്വതി രാജന്‍ ശങ്കരാടി, അഷറഫ് പിലായ്ക്കല്‍ തുടങ്ങിയവരും ചിത്രത്തില്‍ അഭിനയിക്കുന്നു.
ഷെബി ചൗഘട്ടിന്റെ കഥയ്ക്ക് വി.ആര്‍. ബാലഗോപാല്‍ തിരക്കഥയും സംഭാഷണവും എഴുതുന്നു. ഹരിനാരായണന്റെ വരികള്‍ക്ക് മെജോ ജോസഫ് സംഗീതം പകരുന്നു. ഛായാഗ്രഹണം രജീഷ് രാമന്‍, എഡിറ്റിംഗ് സുജിത് സഹദേവ്, ആക്ഷന്‍ കോറിയോഗ്രാഫര്‍ റണ്‍ രവി, പി.ആര്‍.ഒ. വാഴൂര്‍ ജോസ്.
Recent Comments