തിങ്കളാഴ്ച നിശ്ചയത്തിനുശേഷം സെന്ന ഹെഗ്‌ഡെ സംവിധാനം ചെയ്യുന്ന ചിത്രമാണ് 1744 വൈറ്റ് ആള്‍ട്ടോ. ചിത്രത്തിന്റെ ട്രെയിലര്‍ അണിയറപ്രവര്‍ത്തകര്‍ പുറത്തിറക്കി. കാഞ്ഞങ്ങാട് പശ്ചാത്തലമാകുന്ന ചിത്രത്തിന്റെ കഥയും സന്ദര്‍ഭങ്ങളും ഏറെ വ്യത്യസ്തത നിറഞ്ഞതാണെന്ന് ടീസര്‍ സൂചനകള്‍ നല്‍കുന്നു.
ഒരു ആക്ഷേപഹാസ്യസിനിമയാണ് 1744 വൈറ്റ് ആള്‍ട്ടോ. പേര് സൂചിപ്പിക്കുന്ന പോലെ ഒരു വൈറ്റ് ആള്‍ട്ടോ കാറാണ് ചിത്രത്തിലെ കേന്ദ്ര കഥാപാത്രം. ഷറഫുദ്ദീന്‍ പോലീസ് വേഷത്തില്‍ എത്തുന്നു. വിന്‍സി അലോഷ്യസ്, രാജേഷ് മാധവന്‍, നവാസ് വള്ളിക്കുന്ന്, അരുണ്‍ കുര്യന്‍, സ്മിനു സിജോ, ആര്യ സലിം, ആന്ദ് മന്മഥന്‍, സജിന്‍ ചെറുകയില്‍, ആര്‍.ജെ. നില്‍ജ, രഞ്ജി കാങ്കോല്‍ എന്നിവരാണ് മറ്റ് അഭിനേതാക്കള്‍.
കബിനി ഫിലിംസിന്റെ ബാനറില്‍ മൃണാള്‍ മുകുന്ദന്‍, ശ്രീജിത്ത് നായര്‍, വിനോദ് ദിവാകര്‍ എന്നിവര്‍ ചേര്‍ന്നാണ് ഈ സിനിമ നിര്‍മ്മിക്കുന്നത്. ഡ്രീം ബിഗ് ഫിലിംസാണ് ചിത്രം വിതരണം ചെയ്യുന്നത്. നവംബര്‍ 18ന് ചിത്രം തിയേറ്ററില്‍ റിലീസ് ചെയ്യും.
Recent Comments