കന്നട സൂപ്പര്‍താരം രക്ഷിത് ഷെട്ടിയെ നായകനാക്കി മലയാളിയായ കിരണ്‍ രാജ് സംവിധാനം ചെയ്ത ‘777 ചാര്‍ളി’യുടെ ട്രെയിലര്‍ പുറത്തിറങ്ങി. നിവിന്‍ പോളി, ടൊവിനോ തോമസ്, ആസിഫ് അലി, ആന്റണി വര്‍ഗ്ഗീസ് എന്നിവരുടെ സോഷ്യല്‍ മീഡിയകളിലൂടെയാണ് ട്രെയിലര്‍ റിലീസ് ചെയ്തത്. ട്രെയിലര്‍ ഇറങ്ങി മണിക്കൂറിനുള്ളില്‍ വന്‍ സ്വീകരണമാണ് ലഭിച്ചിരിക്കുന്നത്. മലയാളം, കന്നട, തമിഴ്, തെലുങ്ക്, ഹിന്ദി എന്നീ അഞ്ച് ഭാഷകളിലായി റിലീസ് ചെയ്യുന്ന ചിത്രം ജൂണ്‍ 10 ന് തിയറ്ററുകളിലെത്തും.
ധര്‍മ്മ എന്ന യുവാവുമായുള്ള ചാര്‍ളി എന്ന നായ്ക്കുട്ടിയുടെ സൗഹൃദവും ആത്മബന്ധവും കുസൃതികളും യാത്രയും ഇമോഷണല്‍ പശ്ചാത്തലവുമെല്ലാം ഉള്‍പ്പെട്ട ട്രെയിലര്‍ അതിമനോഹരമെന്ന് പ്രേക്ഷകര്‍.
പരുക്കനും ഏകാകിയുമായ ‘ധര്‍മ്മ’യുടെ ജീവിതത്തിലേക്ക് ‘ചാര്‍ളി’ എന്ന നായക്കുട്ടി കടന്നു വരുന്നതും അവന്‍ ധര്‍മ്മയുടെ ജീവിതത്തില്‍ വരുത്തുന്ന മാറ്റങ്ങളുമാണ് ചിത്രത്തിന്റെ പ്രമേയം.
സംഗീത ശൃംഗേരിയാണ് നായിക. രാജ് ബി ഷെട്ടി, ഡാനിഷ് സൈട്ട്, ബോബി സിംഹ എന്നിവരാണ് മറ്റ് പ്രധാന താരങ്ങള്‍.
പരംവഹ് സ്റ്റുഡിയോയുടെ ബാനറില്‍ ജി.എസ്. ഗുപ്തയും രക്ഷിത് ഷെട്ടിയും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ചിത്രത്തിന്റെ മലയാളം പതിപ്പ് പൃഥ്വിരാജും, തമിഴ് പതിപ്പ് കാര്‍ത്തിക് സുബ്ബരാജും, തെലുങ്ക് പതിപ്പ് നാനിയും അതാത് ഭാഷകളില്‍ വിതരണത്തിനെത്തിക്കും. മലയാളിയായ നോബിന്‍ പോളാണ് സംഗീതം ഒരുക്കിയിരിക്കുന്നത്. വിവിധ ഭാഷകളിലെ വരികള്‍ മനു മഞ്ജിത്, ടിറ്റോ പി തങ്കച്ചന്‍, അഖില്‍ എം ബോസ്, ആദി എന്നിവരും എഴുതിയിരിക്കുന്നു.
ഛായാഗ്രഹണം അരവിന്ദ് എസ് കശ്യപ്. എഡിറ്റിംങ് പ്രതീക് ഷെട്ടി. മീഡിയാ പാര്‍ട്ണര്‍ മൂവി റിപ്പബ്ലിക്. പി.ആര്‍.ഓ- മഞ്ജു ഗോപിനാഥ്.
Recent Comments