അഖില്‍ ഫിലിംസിന്റെ ബാനറില്‍ സജി മംഗലത്ത് നിര്‍മ്മാണവും വില്‍സണ്‍ തോമസ്, സജി മംഗലത്ത് എന്നിവര്‍ ചേര്‍ന്ന് സംവിധാനവും നിര്‍വ്വഹിക്കുന്ന ‘ആദിയും അമ്മുവും’ എന്ന സിനിമയുടെ ചിത്രീകരണം പൂര്‍ത്തിയായി.
സയന്‍സ് ഫിക്ഷന്‍ കഥാപാത്രങ്ങളോട് ആരാധന തോന്നി അവരെ തേടിപ്പോകുന്ന കുട്ടികളും അതുമൂലമുണ്ടാകുന്ന പ്രശ്‌നങ്ങളുമൊക്കെയാണ് ചിത്രം പറയുന്നത്. കുട്ടികളുടെ സുരക്ഷിതത്വമാണ് ഇതിവൃത്തം. കൊല്ലവും പരിസര പ്രദേശങ്ങളുമായിരുന്നു ലൊക്കേഷന്‍.
പള്ളിമണ്‍ സിദ്ധാര്‍ത്ഥ സ്‌കൂളിലെ ഇരുന്നൂറോളം കുട്ടികളും രക്ഷിതാക്കളും അദ്ധ്യാപകരും ഈ ചിത്രത്തിന്റെ ഭാഗമാകുന്നു. ജാസി ഗിഫ്റ്റിനും കെ.കെ. നിഷാദിനുമൊപ്പം സ്‌കൂളിലെ കുട്ടികളും ചിത്രത്തിലെ ഗാനങ്ങള്‍ പാടിയിട്ടുണ്ട്.
ആദി, ആവ്‌നി, ദേവനന്ദ, ജാഫര്‍ ഇടുക്കി, മധുപാല്‍, ശിവജി ഗുരുവായൂര്‍, ബാലാജി ശര്‍മ്മ, കുണ്ടറ ജോണി, സജി സുരേന്ദ്രന്‍, എസ്പി മഹേഷ്, അജിത്കുമാര്‍, അഞ്ജലി നായര്‍, ഷൈനി കെ. അമ്പാടി, ബിന്ദു തോമസ്, ഗീതാഞ്ജലി എന്നിവരാണ് ചിത്രത്തിലെ പ്രധാന താരങ്ങള്‍.
വില്‍സണ്‍ തോമസാണ് കഥയും തിരക്കഥയും ഗാനരചനയും നിര്‍വ്വഹിച്ചിരിക്കുന്നത്. അരുണ്‍ ഗോപിനാഥ് ഛായാഗ്രഹണവും മുകേഷ് ജി മുരളി എഡിറ്റിംഗും ആന്റോ ഫ്രാന്‍സിസ് സംഗീതവും ജീമോന്‍ മൂലമറ്റം കലാസംവിധാവും, ഇര്‍ഫാന്‍ ചമയവും തമ്പി ആര്യനാട് കോസ്റ്റിയൂമും വിനു മാസ്റ്റര്‍ കോറിയോ ഗ്രാഫിയും വിശ്വജിത്ത് പശ്ചാത്തലസംഗീതവും നിര്‍വ്വഹിച്ചിരിക്കുന്നു.
പ്രൊഡക്ഷന്‍ ഡിസൈനര്‍ അജിത്കുമാര്‍, ചീഫ് അസ്സോസിയേറ്റ് ഡയറക്ടര്‍ രതീഷ് ഓച്ചിറ, ഋഷിസൂര്യന്‍ പോറ്റി. അസ്സോസിയേറ്റ് ഡയറക്ടര്‍ എസ് പി മഹേഷ്, അസിസ്റ്റന്റ് ഡയറക്ടേഴ്‌സ് ചന്തു കല്യാണി, അനീഷ് കല്ലേലി. ക്രിയേറ്റീവ് ഹെഡ് സുരേഷ് സിദ്ധാര്‍ത്ഥ, വിഷ്വല്‍ എഫക്ട്‌സ് മഹേഷ് കേശവ്, ഫിനാന്‍സ് മാനേജര്‍ ബിജു തോമസ്, സ്റ്റില്‍സ് സുനില്‍ കളര്‍ലാന്റ്, പിആര്‍ഒ അജയ് തുണ്ടത്തില്‍ എന്നിവരാണ് മറ്റ് അണിയറപ്രവര്‍ത്തകര്‍.
Recent Comments