തിങ്ക് ബീയോണ്ട് പ്രൊഡക്ഷന്‍സിന്റെ ബാനറില്‍ എ.പി. ശ്യാം ലെനിന്‍ സംവിധാനം നിര്‍വ്വഹിക്കുന്ന ബാച്ചിലേഴ്‌സ് എന്ന ചിത്രത്തിന്റെ മോഷന്‍ പോസ്റ്റര്‍ റിലീസ് ചെയ്തു. ചുവന്ന പട്ടുസാരിയില്‍ രൗദ്രഭാവം പൂണ്ട സാദികയുടെ മോഷന്‍ ചിത്രം ഇതിനോടകംതന്നെ ശ്രദ്ധിക്കപ്പെട്ടു.
യുവാക്കളുടെ ഇടയില്‍ ഇപ്പോള്‍ സംഭവിച്ചു കൊണ്ടിരിക്കുന്ന മൂല്യച്യുതി വ്യക്തമാക്കുന്ന ചിത്രമാണ് ബാച്ചിലേഴ്‌സ്. പെട്ടിലാംബട്ര എന്ന ചിത്രത്തിനുശേഷം എ.പി. ശ്യാം ലെനിന്‍ സംവിധാനം ചെയ്യുന്ന ചിത്രത്തിന്റെ ക്യാമറ കൈകാര്യം ചെയ്യുന്നത് മധു മാടശ്ശേരിയാണ്. ലെവിന്‍ സൈമണും സാദിക വേണുഗോപാലുമാണ് മുഖ്യവേഷത്തില്‍. കൂടാതെ ശ്യാം ശീതള്‍, സായികുമാര്‍ സുദേവ്, ജിജു ഗോപിനാഥ്, മധു മാടശ്ശേരി, ലക്ഷ്മി അച്ചു എന്നിവരും ഈ ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നു.
സംഗീതം ജെസിന്‍ ജോര്‍ജ, എഡിറ്റിംഗ് അഖില്‍ എലിയാസ്, കലാസംവിധാനം അനിരൂപ് മണലില്‍. പ്രൊഡക്ഷന്‍ കണ്‍ട്രോളര്‍ ശാലിന്‍ ബോള്‍ഗാട്ടി & സുജിത് ദേവന്‍ കുറിത്തോട്. പ്രൊഡക്ഷന്‍ ഡിസൈനര്‍ ജിജു ഗോപിനാഥ്. സുദേഷ് അന്തിക്കോട്ടെ, വിഷ്ണു മായ, ഷാജി സുരേഷ്, മധു മാടശ്ശേരി, ശ്യാം ലെനിന്‍ എന്നിവരാണ് നിര്‍മ്മാതാക്കള്‍.
Recent Comments