മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ബ്രോഡാഡിയുടെ ഷൂട്ടിംഗ് ഹൈദരാബാദിലെ ഹൈടെക് സിറ്റിയില്‍ ആരംഭിച്ചു. പൃഥ്വിരാജും കല്യാണി പ്രിയദര്‍ശനും ഒന്നിച്ചുള്ള രംഗങ്ങളാണ് ആദ്യം ചിത്രീകരിച്ചത്. ഉച്ചയ്ക്ക് ഒന്നരയോടെ ഷൂട്ടിംഗ് അവസാനിപ്പിച്ചു. 20-ാം തീയതി ഷൂട്ടിംഗ് പുനരാരംഭിക്കും.
ഷൂട്ടിംഗിന് മുന്നോടിയായി രാവിലെ പൂജചടങ്ങും നടത്തിയിരുന്നു. പൃഥ്വിരാജ്, സുപ്രിയ പൃഥ്വിരാജ്, ആന്റണി പെരുമ്പാവൂര്‍, ശാന്തി ആന്റണി, കല്യാണി പ്രിയദര്‍ശന്‍, ക്യാമറാമാന്‍ അഭിനന്ദ് രാമാനുജന്‍, പ്രൊഡക്ഷന്‍ എക്‌സിക്യൂട്ടീവ് സജി സി. ജോസഫ് എന്നിവരും ലളിതമായ ചടങ്ങില്‍ പങ്കുകൊണ്ടു.
18-ാം തീയതി മോഹന്‍ലാല്‍ ഹൈദരാബാദിലെത്തും. തുടര്‍ ദിവസങ്ങളിലായി മറ്റ് ആര്‍ട്ടിസ്റ്റുകളും.
Recent Comments