ഉണ്ണി മുകുന്ദനെ നായകനാക്കി വൈശാഖ് സംവിധാനം ചെയ്യുന്ന ചിത്രമാണ് ബ്രൂസ്‌ലി. കഴിഞ്ഞദിവസം കോഴിക്കോട്ടുവച്ചായിരുന്നു ചിത്രത്തിന്റെ ഔദ്യോഗിക പ്രഖ്യാപനം. ചിത്രത്തിന്റെ ഷൂട്ടിംഗ് നവംബര്‍ 1 ന് ആരംഭിക്കും. മുംബൈ, പൂന, ഗോവ, പോണ്ടിച്ചേരി എന്നിവിടങ്ങളിലായി ചിത്രീകരണം പൂര്‍ത്തിയാക്കും.
മലയാളത്തില്‍നിന്ന് ഉണ്ണിമുകുന്ദന് മാത്രമാണ് ചിത്രത്തില്‍ അഭിനയിക്കുന്നത്. ഹിന്ദി, തമിഴ്, തെലുങ്ക്, കന്നഡ സിനിമകളില്‍നിന്നുള്ളവരാണ് മറ്റ് അഭിനേതാക്കള്‍. ഒരു പാന്‍ ഇന്ത്യന്‍ ചിത്രമെന്ന നിലയിലാണ് ബ്രൂസലിയുടെ നിര്‍മ്മാണപ്രവര്‍ത്തനങ്ങള്‍ ഒരുങ്ങുന്നത്. പൂര്‍ണ്ണമായും ഒരു ആക്ഷന്‍ചിത്രമായിരിക്കും. സംഘട്ടനം ഒരുക്കുന്നത് രാം ലക്ഷ്ണണന്മാരാണ്.
ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ഈ ബിഗ് ബജറ്റ് ചിത്രം നിര്‍മ്മിക്കുന്നത്. ബൈജു ഗോപാലനും വി.സി. പ്രവീണുമാണ് കോ-പ്രൊഡ്യൂസേഴ്‌സ്. കൃഷ്ണമൂര്‍ത്തി എക്‌സിക്യൂട്ടീവ് പ്രൊഡ്യൂസറുമാണ്. ഉദയകൃഷ്ണ തിരക്കഥ എഴുതുന്ന ചിത്രത്തിന്റെ ക്യാമറാമാന്‍ ഷാജി കുമാറും പ്രൊഡക്ഷന്‍കണ്‍ട്രോളര്‍ സിദ്ധു പനയ്ക്കലുമാണ്. ഷമീര്‍ മുഹമ്മദ് എഡിറ്റിംഗും ഷാജി നടുവില്‍ കലാസംവിധാനവും നിര്‍വ്വഹിക്കുന്നു. വാര്‍ത്താപ്രചരണം വാഴൂര്‍ജോസ്. ഫോട്ടോ പ്രേംലാല്‍ പട്ടാഴി.
Recent Comments